தமிழ்நாடு மெர்கண்டைல் வங்கி FD வட்டி விகிதம்

உத்தரவாதமான வருமானம் தரும் சிறந்த திட்டங்கள்

குறைந்த ரிஸ்க் கொண்ட மற்றும் நிலையான வருமானம் தரும் முதலீடுகளைப் பொறுத்தவரை, ஃபிக்ஸ்ட் டெபாசிட்கள் (FDs) மிகவும் பொதுவானவை. இவை பாதுகாப்பானவை மற்றும் சீரான வட்டி விகிதத்தை வழங்குகின்றன, ஆனால் சில நேரங்களில் வட்டி விகிதம் குறைவாக இருக்கலாம்.

இதற்கு நேர்மாறாக, உத்தரவாதமான வருமானத் திட்டங்கள் என்பது காப்பீட்டுப் பாதுகாப்போடு கூடிய ஒரு முதலீடாகும்; இது நீண்ட காலத்தில் அதிக வருமானம் ஈட்ட வாய்ப்பளிக்கிறது. செல்வத்தை உருவாக்குவதோடு பாதுகாப்பையும் விரும்பும் நபர்களுக்கு இத்தகைய திட்டங்கள் மிகவும் பொருத்தமானவை. எளிமை, பாதுகாப்பு, மாற்றத்தக்க கால அளவு ஆகியவற்றை முதன்மையாகக் கருதும் போது, ஃபிக்ஸ்ட் டெபாசிட்கள் (FDகள்) சிறந்த தேர்வாகத் திகழ்கின்றன.

தமிழ்நாடு மெர்கண்டைல் வங்கி ஃபிக்ஸ்ட் டெபாசிட் (FD) என்றால் என்ன?

தமிழ்நாடு மெர்கண்டைல் வங்கி ஃபிக்ஸ்ட் டெபாசிட் ஆனது, ஒரு குறிப்பிட்ட காலத்திற்கு ஒரு பெரிய தொகையை முதலீடு செய்து, முன்கூட்டியே தீர்மானிக்கப்பட்ட வட்டி விகிதத்தில் வருமானம் ஈட்ட உங்களை அனுமதிக்கிறது. நிலையான, தடையில்லாத வருமானம் மற்றும் அதிக வட்டி விகிதங்களை எதிர்பார்க்கும் பொதுவான தனிநபர்கள், மூத்த குடிமக்கள் ஆகிய இருதரப்பினருக்கும் இது ஏற்றது. மூத்த குடிமக்கள் தேர்ந்தெடுக்கப்பட்ட கால அளவுகளில் 0.50% வரை கூடுதல் வட்டி பலனைப் பெறலாம். இருப்பினும், இந்த கூடுதல் வட்டி விகிதம் NRO ஃபிக்ஸ்ட் டெபாசிட்களுக்கும், 'TMB300 சிறப்பு வைப்புத் திட்டம்' தவிர ஓராண்டுக்கும் குறைவான கால அளவுகளுக்கும் பொருந்தாது.

ஃபிக்ஸ்ட் டெபாசிட்டுகள் மற்றும் பிற விருப்பங்கள் குறித்த தகவல்கள்

ஒரு முதலீட்டைத் தேர்ந்தெடுக்கும்போது, பல்வேறு விருப்பங்களுக்கு இடையே உள்ள வேறுபாடுகளைப் புரிந்துகொள்வது அவசியமாகும். ஃபிக்ஸ்ட் டெபாசிட்டுகள் உறுதி அளிக்கப்பட்ட வருமானம் மற்றும் பாதுகாப்பை வழங்குகின்றன; அதே சமயம், உத்தரவாதமான வருமானத் திட்டங்கள், மியூச்சுவல் ஃபண்டுகள் போன்ற பிற தயாரிப்புகள் பல்வேறு அளவிலான இடர் காரணிகளுடன் வளர்ச்சிக்கான வாய்ப்புகளை வழங்குகின்றன.

தமிழ்நாடு மெர்கண்டைல் வங்கி (TMB) ஃபிக்ஸ்ட் டெபாசிட் வட்டி விகிதங்கள்: முக்கிய சிறப்பம்சங்கள்

தமிழ்நாடு மெர்கண்டைல் வங்கி FD: சமீபத்திய அறிவிப்புகள்

ஜூன் 2025-இல் ஒரு வார கால இடைவெளியில், தமிழ்நாடு மெர்கண்டைல் வங்கி உட்பட 10 வங்கிகள் தங்களது ஃபிக்ஸ்ட் டெபாசிட்களின் (FD) வட்டி விகிதங்களை உயர்த்தின.

தமிழ்நாடு மெர்கண்டைல் வங்கி வட்டி விகிதங்கள் 

₹3 கோடிக்கும் குறைவான உள்நாட்டு/NRO டெபாசிட்டுகளுக்கான ஃபிக்ஸ்ட் டெபாசிட் வட்டி விகிதங்கள்

₹3 கோடிக்கும் அதிகம் ₹10 கோடிக்கும் குறைவான தொகை

தமிழ்நாடு மெர்கண்டைல் வங்கியின் (TMB) ஃபிக்ஸ்ட் டெபாசிட் திட்டங்களின் வகைகள்

தமிழ்நாடு மெர்கண்டைல் வங்கி (TMB) வழங்கும் ஃபிக்ஸ்ட் டெபாசிட் திட்டங்களின் சுருக்கமான கண்ணோட்டம், அவற்றின் விளக்கங்கள் மற்றும் முக்கிய நன்மைகள் இதோ:

1. ஃபிக்ஸ்ட் டெபாசிட் கணக்கு 

   இது மொத்தமாக முதலீடு செய்வதற்கான TMB வங்கியின் ஒரு ஃபிக்ஸ்ட் டெபாசிட் திட்டமாகும். நீங்கள் தேர்ந்தெடுக்கும் கால அளவிற்கு இது ஒரு ஃபிக்ஸ்ட் வட்டி விகிதத்தை வழங்குகிறது. தங்களது சேமிப்பிற்குப் பாதுகாப்பான மற்றும் உறுதியான வருமானத்தை எதிர்பார்ப்பவர்களுக்கு இது ஒரு நம்பகமான விருப்பமாகும்.

   • மாற்றத்தக்க கால அளவு: 15 நாட்கள் முதல் 10 ஆண்டுகள் வரை.
   • வருமான விருப்பங்கள்: மாதாந்திர அல்லது காலாண்டு முறையில் வட்டி பெற்றுக்கொள்ளலாம்.
   • பணப்புழக்கம்: உங்கள் டெபாசிட்டுக்கு எதிராக நீங்கள் கடன் வசதி பெற்றுக்கொள்ளலாம்.

2.  முத்துக்குவியல் ஃபிக்ஸ்ட் டெபாசிட்

   இது ஒரு மறுமுதலீட்டுத் திட்டமாகும், இதில் பெறப்படும் வட்டியானது ஆண்டுதோறும் கூட்டு வட்டியாகக் கணக்கிடப்பட்டு , அசலுடன் மீண்டும் முதலீடு செய்யப்படுகிறது. இது உங்கள் டெபாசிட் வேகமாக வளர உதவுகிறது, இதன் மூலம் முதிர்வு காலத்தில் அதிகப்படியான தொகையைப் பெறலாம். நீண்ட கால அடிப்படையில் செல்வத்தை உருவாக்க விரும்புவோருக்கு இது ஒரு சிறந்த தேர்வாகும்.

   நன்மைகள்:

   கூட்டு வட்டி வளர்ச்சி: உங்கள் வட்டி அசலுடன் சேர்க்கப்பட்டு கூட்டு வட்டியாகக் கணக்கிடப்படுவதால், நீங்கள் அதிக வருமானத்தைப் பெறலாம்.

   குறைந்தபட்ச டெபாசிட்: ₹1,000.

   கடன் மற்றும் முன்கூட்டியே திரும்பப் பெறுதல்: அனுமதிக்கப்படுகிறது.

3.  வரி சேமிப்பு டெபாசிட்

   இந்தத் திட்டம் உங்கள் சேமிப்பை வளர்க்கும் அதே வேளையில், வருமான வரியைச் சேமிக்க உதவும் வகையில் வடிவமைக்கப்பட்டுள்ளது. வருமான வரிச் சட்டம், பிரிவு 80C-ன் கீழ் ₹1.5 லட்சம் வரையிலான அசல் தொகைக்கு வரி விலக்கு பெறத் தகுதி உண்டு. இத்திட்டத்திற்கு 5 ஆண்டுகள் கட்டாய லாக்-இன் காலம் உள்ளது.

   நன்மைகள்:

   • இரட்டைப் பலன்: வரிச் சலுகை மற்றும் உத்தரவாதமான வருமானம் ஆகிய இரண்டையும் ஒரே நேரத்தில் பெறலாம்.
   • இரண்டு வட்டி விருப்பங்கள்: குறிப்பிட்ட கால இடைவெளியில் வட்டி பெறும் முறையையோ முதிர்வு காலத்தில் மொத்தத் தொகையாகப் பெறும் முறையையோ நீங்கள் தேர்ந்தெடுத்துக்கொள்ளலாம்.
   • பாதுகாப்பு: உங்கள் முதலீடு 5 ஆண்டுகளுக்குப் பாதுகாப்பாக லாக்-இன் செய்யப்பட்டிருக்கும் (இக்காலத்தில் பணத்தை எடுக்க முடியாது).

4.  பேர்ல் டெபாசிட்

   பேர்ல் டெபாசிட் என்பது ஒரு நீண்ட கால ஃபிக்ஸ்ட் டெபாசிட் திட்டமாகும், இதில் வட்டியினைத் திரும்பப் பெறும் வசதி உள்ளது. இது கூட்டு வட்டி பலனை வழங்குகிறது, அதே நேரத்தில் குறிப்பிட்ட இடைவெளிகளில் திரட்டப்பட்ட வட்டியைத் திரும்பப் பெறும் தனித்துவமான வசதியையும் உங்களுக்கு அளிக்கிறது.

   நன்மைகள்:

   • கூட்டு வட்டி: காலப்போக்கில் உங்கள் முதலீட்டின் வருமானத்தை அதிகப்படுத்துகிறது.
   • குறிப்பிட்ட கால இடைவெளியில் திரும்பப் பெறுதல்: ஒவ்வொரு 3, 6, 9 அல்லது 12 மாதங்களுக்கு ஒருமுறை திரட்டப்பட்ட வட்டியை நீங்கள் எடுத்துக்கொள்ளலாம்.
   • கடன் மற்றும் திரும்பப் பெறுதல் வசதி: இத்திட்டத்தில் முன்கூட்டியே பணத்தை எடுக்கும் வசதி மற்றும் டெபாசிட் தொகையிலிருந்து கடன் பெறும் வசதி ஆகிய இரண்டுமே உள்ளன.

5.  20:20 டெபாசிட்

   இது 20 மாதங்கள் மற்றும் 20 நாட்கள் என்ற குறிப்பிட்ட கால அளவைக் கொண்ட ஒரு தனித்துவமான, குறுகிய கால ஃபிக்ஸ்ட் டெபாசிட் திட்டமாகும். இது போட்டித்தன்மை வாய்ந்த வட்டி விகிதங்களை வழங்குகிறது. மாற்றத்தக்க வட்டி செலுத்தும் விருப்பங்களுடன் கூடிய நடுத்தர கால முதலீட்டைத் தேடும் முதலீட்டாளர்களுக்கு இது ஒரு சிறந்த விருப்பமாகும்.

   நன்மைகள்:

   • தனித்துவமான கால அளவு: 20 மாதங்கள் மற்றும் 20 நாட்கள்.
   • உயர்ந்த கடன்-மதிப்பு விகிதம்: உங்கள் டெபாசிட்டில் 90% வரை கடனாகப் பெறலாம்.
   • வட்டி பெறும் முறையை மாற்றிக்கொள்ளும் வசதி: மாதாந்திர அல்லது காலாண்டு அடிப்படையில் வட்டி பெற்றுக்கொள்ளலாம்.

தமிழ்நாடு மெர்கண்டைல் வங்கி (TMB) ஃபிக்ஸ்ட் டெபாசிட்டின் முக்கிய அம்சங்கள்

தமிழ்நாடு மெர்கண்டைல் வங்கியில் (TMB) ஃபிக்ஸ்ட் டெபாசிட் (FD) தொடங்குவதன் மூலம் கிடைக்கும் சில அசத்தலான நன்மைகள் இதோ:

• TMB-ல் கடன் அல்லது ஓவர் டிராஃப்ட் வசதி: தமிழ்நாடு மெர்கண்டைல் வங்கி, டெபாசிட் செய்பவர்கள் தங்கள் டெபாசிட் செய்த தொகையைத் திரும்பப் பெறாமலேயே (பிரேக் செய்யாமல்), அதன் மதிப்பில் 90% வரை கடனாகவோ ஓவர் டிராஃப்ட் வசதியாகவோ பெற அனுமதிக்கிறது.
• முன்கூட்டியே பணத்தைத் திரும்பப் பெறுதல்: ஃபிக்ஸ்ட் டெபாசிட்களை முதிர்வு காலத்திற்கு முன்பே மூடிக்கொள்ளலாம் (TMB கொள்கையின்படி அனுமதிக்கப்படுகிறது). அத்தகைய சூழ்நிலைகளில், வட்டி குறைவான விகிதத்தில் செலுத்தப்படலாம் மற்றும் வங்கியின் விதிகளின்படி அபராதம் விதிக்கப்படலாம்.
• மாதாந்திர/காலாண்டு/முதிர்வு கால வட்டி: நீங்கள் தேர்ந்தெடுக்கும் TMB FD திட்டத்தைப் பொறுத்து, வட்டியை மாதாந்திரம், காலாண்டு அல்லது முதிர்வு காலத்தின் போது பெற்றுக்கொள்ளலாம்.
• வாரிசுதாரர் நியமக்கும் வசதி : கணக்கு வைத்திருப்பவர் இறக்க நேரிட்டால், அந்த டெபாசிட் தொகையை உரிமை கோருவதற்கு ஒரு நபரை நியமிக்க TMB அனுமதிக்கிறது.
• நிலையான அறிவுறுத்தல்கள் (ஸ்டாண்டிங் இன்ஸ்ட்ரக்ஷன்ஸ்): TMB வாடிக்கையாளர்கள் தங்களது FD-லிருந்து கிடைக்கும் வட்டி வருமானத்தை நேரடியாக இணைக்கப்பட்ட TMB சேமிப்புக் கணக்கிற்கு மாற்ற 'ஸ்டாண்டிங் இன்ஸ்ட்ரக்ஷன்' வசதியைப் பயன்படுத்தலாம்.
• ஸ்வீப்-இன் மற்றும் ஸ்வீப்-அவுட் வசதி  தமிழ்நாடு மெர்கண்டைல் வங்கி தனது 'TMB விசா சேமிப்பு வங்கி கணக்கு' மூலம் இந்த வசதியை வழங்குகிறது. சேமிப்பு கணக்கில் உள்ள தொகை ஒரு குறிப்பிட்ட வரம்பைத் தாண்டும்போது, மிச்சத் தொகை தானாகவே அதனுடன் இணைக்கப்பட்ட FD-க்கு மாற்றப்படும்.

தமிழ்நாடு மெர்கண்டைல் வங்கியில் (TMB) ஃபிக்ஸ்ட் டெபாசிட் (FD) கணக்கைத் தொடங்குவதற்கான வழிமுறை

தமிழ்நாடு மெர்கண்டைல் வங்கியின் (TMB) ஃபிக்ஸ்ட் டெபாசிட் என்பது உங்கள் சேமிப்பின் மூலம் வருமானம் ஈட்டுவதற்கான ஒரு பாரம்பரியமான மற்றும் பாதுகாப்பான வழியாகும். ஆன்லைன் மற்றும் ஆஃப்லைன் என உங்களுக்கு வசதியான வழிகளில் தொடங்குவதற்கு ஏற்ற வகையில் பல்வேறு வகையான FD திட்டங்களை TMB வழங்குகிறது.

1.  ஆன்லைன் மூலம் FD கணக்கைத் தொடங்குதல்

   நீங்கள் தற்போதைய TMB வாடிக்கையாளராக இருந்தால், இன்டர்நெட் பேங்க்கிங் அல்லது மொபைல் செயலி மூலமாக உங்கள் வீட்டிலிருந்தே மிக வேகமாகவும் எளிதாகவும் ஒரு FD கணக்கைத் தொடங்கலாம்.

   • இ-பேங்க்கிங்கில் உள்நுழையவும்: TMB இ-கனெக்ட் போர்ட்டல் அல்லது TMB MBank செயலியைத் திறக்கவும்.
   • ஃபிக்ஸ்ட் டெபாசிட் பகுதிக்குச் செல்லவும்: முதன்மை மெனுவில், "டெபாசிட்ஸ்" அல்லது ஃபிக்ஸட் டெபாசிட்ஸ்" என்ற பகுதியைத் தேர்ந்தெடுக்கவும்.
   • விவரங்களை நிரப்பவும்: வைப்புத் தொகை, கால அளவு மற்றும் உங்களுக்கு விருப்பமான வட்டி செலுத்தும் முறை ஆகியவற்றை உள்ளிடவும்.
   • சரிபார்த்து உறுதி செய்யவும்: நீங்கள் உள்ளிட்ட அனைத்து தகவல்களையும் சரிபார்த்து, வங்கியின் நிபந்தனைகளை ஏற்று, விண்ணப்பத்தைச் சமர்ப்பிக்கவும்.
   • FD ரசீதைப் பெறவும்: உங்கள் 'e-TDR' உடனடிமாக உருவாக்கப்பட்டு உங்கள் மின்னஞ்சலுக்கு அனுப்பப்படும்.

2. ஆஃப்லைன் (நேரடி) முறையில் FD கணக்கைத் தொடங்குதல்

   புதிய வாடிக்கையாளர்கள் அல்லது வங்கிக் கிளைக்கு நேரில் சென்று கணக்கைத் தொடங்க விரும்புபவர்கள், எந்தவொரு TMB கிளையையும் அணுகி FD கணக்கைத் தொடங்கலாம்.

   • வங்கி கிளைக்குச் செல்லுதல்: உங்கள் ஆவணங்களுடன் உங்களுக்கு அருகிலுள்ள TMB கிளைக்குச் செல்லவும்.
   • விண்ணப்பப் படிவத்தை நிரப்புதல்: ஃபிக்ஸ்ட் டெபாசிட் விண்ணப்பப் படிவத்தைக் கேட்டுப் பெறவும்.
   • விண்ணப்பத்தைப் பூர்த்தி செய்தல் - டெபாசிட், கால அளவு, திட்ட வகை மற்றும் வட்டி செலுத்தும் முறை உள்ளிட்ட உங்கள் விவரங்களை நிரப்பவும்.
   • ஆவணங்களைச் சமர்ப்பித்தல்: பூர்த்தி செய்யப்பட்ட விண்ணப்பப் படிவத்துடன், உங்கள் சுய சான்றொப்பமிட்ட KYC ஆவணங்களின் நகல்களைச் சமர்ப்பிக்கவும்.
   • பணத்தை டெபாசிட் செய்தல்: காசோலை, டிமாண்ட் டிராஃப்ட் அல்லது ரொக்கமாக வங்கி கவுண்டரில் பணத்தைச் செலுத்தலாம்.
   • FD ரசீதைப் பெறுதல்: உங்கள் முதலீட்டிற்கான ஆதாரமாக 'கால வைப்பு ரசீது' உங்களுக்கு வழங்கப்படும்

தகுதி அளவுகோல்கள்

அனைத்து இந்தியக் குடிமக்களும் தமிழ்நாடு மெர்கண்டைல் வங்கியில் (TMB) ஃபிக்ஸ்ட் டெபாசிட் (FD) கணக்கைத் தொடங்கலாம். மேலும் இக்கணக்கைத் தொடங்கத் தகுதியுள்ளவர்கள்:

• தனிநபர்கள் 
• இந்து கூட்டுக்குடும்பங்கள்
• தனி உரிமையாளர் நிறுவனங்கள் 
• அறக்கட்டளைகள்
• குறிப்பிட்ட நிறுவனங்கள் போன்றவை

முக்கியத் தகவல்கள்

தமிழ்நாடு மெர்கண்டைல் வங்கி 7 நாட்கள் முதல் 10 ஆண்டுகள் வரையிலான கால அளவுகளில் ஃபிக்ஸ்ட் டெபாசிட்களை (FD) வழங்குகிறது. இது குறுகிய கால மற்றும் நீண்ட கால சேமிப்பு ஆகிய இரண்டிற்கும் ஏற்றது. நீங்கள் குறைந்தபட்சம் ₹1,000 என்ற சிறிய தொகையிலிருந்தே முதலீட்டைத் தொடங்கலாம். வட்டித் தொகையை மாதாந்திரம், காலாண்டு அல்லது முதிர்வு காலத்தின் போது பெறுவதற்கான விருப்பத்தைத் தேர்ந்தெடுக்கலாம். மேலும், உங்கள் FD-க்கு எதிராகக் கடன் பெறும் வசதியும் உள்ளது.

மூத்த குடிமக்கள் தகுதியான கால அளவுகளில் கூடுதல் வட்டி பெறலாம். இருப்பினும், ஃபிக்ஸ்ட் டெபாசிட்களில் பணப்புழக்கம் குறைவாக இருக்கும்; முதிர்வுக்கு முன்பே பணத்தை எடுத்தால் அபராதம் விதிக்கப்படலாம், மேலும் இதிலிருந்து கிடைக்கும் வருமானம் எப்போதும் பணவீக்கத்தை (Inflation) விட அதிகமாக இருக்காது. இருந்தபோதிலும், ரிஸ்க் எடுக்க விரும்பாத முதலீட்டாளர்களுக்கு இது ஒரு பாதுகாப்பான விருப்பமாகத் திகழ்கிறது.