പ്രായമായവർക്കുള്ള ആരോഗ്യ ഇൻഷുറൻസ് പദ്ധതികൾ

എന്താണ് പ്രായമായവർക്കുള്ള ആരോഗ്യ ഇൻഷുറൻസ് എന്നത് കൊണ്ട് സൂചിപ്പിക്കുന്നത്?

60 വയസ്സിന് മുകളിൽ പ്രായമായവർക്കുള്ള ആരോഗ്യ ഇൻഷുറൻസ്, അതായത് ഇവ വാർഹദകയത്തിലെത്തി നിൽക്കുന്ന ആളുകൾക്ക് ആവശ്യമായ ചികിത്സകൾക്ക് സാമ്പത്തിക സേവനം നൽകുന്ന ആരോഗ്യ ഇൻഷുറൻസ് പ്ലാനുകളാണ്. ഇൻഷുറൻസ് കമ്പനിയുടെ സേവനം ലഭ്യമായ നെറ്റ്‌വർക്കിന് കീഴിലുള്ള ആശുപത്രികളിൽ വയോജനങ്ങൾക്ക് പ്രതിരോധ ആരോഗ്യ പരിശോധന സൗകര്യങ്ങളും പണരഹിത ആശുപത്രിവാസവും പോളിസി മുഖേന വാഗ്ദാനം ചെയ്യുന്നു. ഇതിൽ പോളിസി എടുക്കുന്നതിനു മുൻപുള്ള രോഗങ്ങൾ, ആശുപത്രിയിൽ പ്രവേശിപ്പിക്കാനുള്ള ചെലവുകൾ, ഗുരുതരമായ അസുഖങ്ങൾ, ആശുപത്രിവാസത്തിന് മുമ്പും ശേഷവുമുള്ള മറ്റ് ചെലവുകൾ, കൊറോണ വൈറസ് ചികിത്സ എന്നിവയുടെ ചെലവുകളും ഉൾപ്പെടുത്തിയിരിക്കുന്നു.

പ്രായമായവർക്കുള്ള ആരോഗ്യ ഇൻഷുറൻസ് പ്ലാനുകൾ ഒറ്റനോട്ടത്തിൽ

നിങ്ങൾക്ക് Policybazaar.com-ൽ ലഭ്യമായ പ്രായമായവർക്കുള്ള ആരോഗ്യ ഇൻഷുറൻസ് പ്ലാനുകളുടെ സവിശേഷതകളാണ് ഇനിപ്പറയുന്ന പട്ടികയിൽ സൂചിപ്പിക്കുന്നത്:

പ്രായമായ വ്യക്തികൾക്കായുള്ള മെഡിക്ലെയിം പോളിസിയുടെ പ്രയോജനങ്ങൾ

പ്രായമായവർക്ക് മെഡിക്ലെയിം പോളിസി എടുക്കുന്നതിലൂടെ വിവിധ ആനുകൂല്യങ്ങൾ ലഭ്യമാക്കാവുന്നതാണ്. ഇന്ത്യയിൽ പ്രായമായവർക്കുള്ള മെഡിക്ലെയിം പോളിസി വാങ്ങുന്നതിലൂടെ ലഭിക്കുന്ന ചില പ്രധാന ആനുകൂല്യങ്ങളാണ് ഇനിപറയുന്നത്:

• പ്രായമായ ആളുകൾക്കായുള്ള ചികിത്സ പരിരക്ഷ- പ്രായമായവർക്കുള്ള ആരോഗ്യ ഇൻഷുറൻസ് പദ്ധതികൾക്ക് കീഴിൽ 60 വയസ്സിന് മുകളിലുള്ള ആളുകൾക്ക് ആരോഗ്യ-ചികിൽസ പരിരക്ഷകൾ ലഭിക്കുന്നു, ഇന്നത്തെ സാഹചര്യത്തില് സാധാരണ കുടുംബ ആരോഗ്യ ഇൻഷുറൻസ് പ്ലാനുകൾ 65 വയസ്സ് വരെയുള്ള ആളുകൾക്ക് മാത്രമാണ് പരിരക്ഷ നൽകുന്നത്.
• പ്രീ-മെഡിക്കൽ സ്ക്രീനിംഗ്- മിക്കവാറും എല്ലാ മെഡിക്കൽ പോളിസികളിലും പോളിസി വാങ്ങുന്നതിന് മുമ്പ് പ്രായമായവർ മെഡിക്കൽ സ്ക്രീനിംഗിന് വിധേയരാകേണ്ടി വരുന്നു, എന്നാൽ ഇത്തരം പോളിസികളിൽ അതിന്റെ ആവശ്യമില്ല.
• ആശുപത്രി വാസത്തിനുള്ള ചെലവിന് പരിരക്ഷ ലഭിക്കുന്നു- ഇത്തരം പ്ലാനുകൾ മുഖേനെ പ്രായമായ ആളുകളുടെ ആശുപത്രി വാസത്തിന് മുൻപും ശേഷവുമുള്ള ചാർജുകളും ആശുപത്രിയിൽ കിടത്തി ചികിത്സിക്കുമ്പോഴുള്ള ചെലവുകളും ഉൾപ്പെടെയുള്ള വിവിധ ചികിത്സാ ചെലവുകൾക്ക് പരിരക്ഷ ലഭിക്കുന്നു.
• പണരഹിത ചികിത്സ- പ്രായമായർവർക്ക് ഇൻഷുറൻസ് കമ്പനിയുടെ നെറ്റ്‌വർക്കിലുള്ള ഏതെങ്കിലും ആശുപത്രികളിൽ കുറഞ്ഞത് 24 മണിക്കൂറെങ്കിലും പ്രവേശനം നേടേണ്ട സാഹചര്യം ഉണ്ടാകുകയാണെങ്കിൽ അവർക്ക് പണരഹിതമായ ചികിത്സ ലഭിക്കാൻ അർഹതയുണ്ടായിരിക്കും.
• നോക്ലെയിം ബോണസ്- ഇത്തരം പോളിസികൾ പ്രായമായ ആളുകൾക്ക് ഒരു നോ ക്ലെയിം ബോണസും നൽകുന്നു, മുൻ വർഷത്തിൽ ക്ലെയിം ഇല്ലാതെ പോളിസി പുതുക്കുന്ന ഓരോ വർഷത്തിലും പുതുക്കൽ പ്രീമിയത്തിൽ കിഴിവ് നൽകുന്നു. ചില പ്ലാനുകളിൽ ഇത് 20% മുതൽ 100% വരെ ലഭ്യമാകുന്നു.
• ലൈഫ് ടൈം റിന്യൂവബിലിറ്റി -പ്രായമായ ആളുകൾക്കായുള്ള മിക്ക ആരോഗ്യ പദ്ധതികളും ജീവിതകാലം മുഴുവന് പുതുക്കുന്നതിനുള്ള ഓപ്ഷനുമായാണ് വരുന്നത്.
• നികുതി-ആനുകൂല്യങ്ങൾ- പ്രായമായവർക്കുള്ള ആരോഗ്യ ഇൻഷുറൻസ് പോളിസി എല്ലാ സാമ്പത്തിക വർഷത്തിലും IT ആക്ടിൽ 80D പ്രകാരം അടച്ച പ്രീമിയം അനുസരിച്ച് നികുതി ഇളവ് ആനുകൂല്യങ്ങൾ വാഗ്ദാനം ചെയ്യുന്നു.

പ്രായമായവർക്കുള്ള ആരോഗ്യ ഇൻഷുറൻസ് പദ്ധതികൾ

വയോജനങ്ങൾക്കായി നിങ്ങൾക്ക് ഓൺലൈനായി വാങ്ങാൻ കഴിയുന്ന വിവിധ ആരോഗ്യ ഇൻഷുറൻസ് പ്ലാനുളാണ് പട്ടികയിൽ നല്കിയിട്ടുള്ളത്:

*നിരാകരണം: ഏതെങ്കിലും പ്രത്യേക ഇൻഷുറൻസ് ദാതാവിനെ അല്ലെങ്കിൽ ഇൻഷുറൻസ് ഉൽപ്പന്നത്തെ പോളിസിബസാർ അംഗീകരിക്കുകയോ റേറ്റ് ചെയ്യുകയോ ശുപാർശ ചെയ്യുകയോ ചെയ്യുന്നില്ല.

എന്തുകൊണ്ടാണ് പ്രായമായവർക്ക് ആരോഗ്യ ഇൻഷുറൻസ് പ്ലാനുകൾ എടുക്കേണ്ടത് വളരെ പ്രധാനമാണെന്ന് പറയുന്നത്?

നിങ്ങളുടെ കുടുംബത്തിലെ പ്രായമായ ആളുകൾക്ക് ഒരു ആരോഗ്യ ഇൻഷുറൻസ് പരിരക്ഷ എടുക്കുന്നതാണ് എപ്പോഴും നല്ലത്. പ്രായം വർധിക്കുംതോറും ആളുകൾക്ക് ഗുരുതരമായ ആരോഗ്യപ്രശ്നങ്ങൾ നേരിടേണ്ടി വരുന്നത് ഇപ്പോൾ സാധാരണമാണ്. നിങ്ങളുടെ കുടുംബത്തിലെ പ്രായമായവരെ അടിയന്തിരമായി ആശുപത്രിയിൽ പ്രവേശിപ്പിക്കേണ്ട സാഹചര്യം വരുന്നത് വൈകാരികമായി എന്നപ്പോലെതന്നെ സാമ്പത്തികമായും നിങ്ങൾക്ക് ബുദ്ധിമുട്ടുണ്ടാക്കും. മാതാപിതാക്കൾക്കുള്ള ആരോഗ്യ ഇൻഷുറൻസുകൾ ഇത്തരത്തിലുള്ള ആശുപത്രിവാസത്തിന്റെ സാമ്പത്തിക പ്രത്യാഘാതങ്ങൾ നിയന്ത്രിക്കാൻ നിങ്ങളെ സഹായകമാകുന്നു. തീര്ച്ചയായും പ്രായമായവർക്കായുള്ള ഒരു ആരോഗ്യ ഇൻഷുറൻസ് പ്ലാൻ നിങ്ങൾ വാങ്ങേണ്ടതാണെന്ന് സൂചിപ്പിക്കുന്ന മറ്റ് ചില പ്രധാന കാരണങ്ങളാണ് ഇവ:

• ഉയർന്നുകൊണ്ടിരിക്കുന്ന ചികിൽസ ചെലവുകൾ നേരിടുന്നതിന്- മെഡിക്കൽ ഇൻഫ്‌ളേഷൻ പ്രതിഭാസം മൂലം ചികിത്സയ്ക്കും ആശുപത്രി വാസത്തിനുമുള്ള ചെലവുകൾ വർദ്ധിച്ചു വരുന്ന സാഹചര്യത്തിൽ, പ്രായമായവർക്ക് നിലവാരമുള്ള ചികിത്സ സേവനങ്ങൾ ലഭിക്കുന്നതിന് പ്രായമായവർക്കുള്ള ആരോഗ്യ ഇൻഷുറൻസ് പോളിസി വാങ്ങുന്നത് എപ്പോഴും ഗുണകരമാണ്.
• ക്രിട്ടിക്കൽ ഇൽനെസ് കവർ- വാർദ്ധക്യത്തിന്റെ തുടക്കത്തോടെ, ഹൃദ്രോഗങ്ങൾ, വൃക്കരോഗങ്ങൾ, കാൻസർ മുതലായ പല ഗുരുതരമായ അസുഖങ്ങൾ വരാനുള്ള സാധ്യതയും കൂടുന്നു. പ്രായമായവർക്കായുള്ള ആരോഗ്യ ഇൻഷുറൻസ് പോളിസി മുഖേന, ഇത്തരം ഗുരുതര രോഗങ്ങൾക്കുമുള്ള ചികിത്സ പിന്തുണയും ലഭ്യമാകുന്നു. പ്രായമായവർക്കുള്ള ആരോഗ്യ ഇൻഷുറൻസ് പോളിസിയിൽ, നിങ്ങളുടെ ബേസ് പ്ലാനിന്റെ ഭാഗമായോ ആഡ്-ഓൺ കവർ എന്ന നിലയിലോ ഗുരുതമായ രോഗങ്ങൾക്കുള്ള പരിരക്ഷ നേടാനുള്ള സൌകര്യം നിങ്ങൾക്ക് ലഭ്യമാക്കാവുന്നതാണ്.
• വാർഷിക പരിശോധനാ സൗകര്യങ്ങൾ- പ്രായമായവർക്കായുള്ള ആരോഗ്യ പ്ലാനുകളിൽ മിക്കതും വയോജനങ്ങൾക്കായുള്ള വാർഷിക ആരോഗ്യ പരിശോധനയുടെ ചെലവുകൾ വഹിക്കുന്നതാണ്. പ്രായമായ ആളുകളിൽ പലരും സ്ഥിരമായി മെഡിക്കൽ സ്ക്രീനിംഗിന് വിധേയരാകേണ്ടതിനാൽ, പോളിസി മുഖേനെയുള്ള ഈ സൗകര്യം ചെലവുകൾ കുറയ്ക്കാൻ സഹായിക്കും. ചില പ്ലാനുകളിൽ ക്ലെയിം ഉന്നയിക്കാത്ത ഓരോ രണ്ടോ മൂന്നോ വർഷങ്ങൾക്ക് ശേഷമാണ് ഈ സൗകര്യം വാഗ്ദാനം ചെയ്യുന്നത്.
• മനസ്സമാധാനം- ചെറുതും വലുതുമായ അസുഖങ്ങൾക്കുള്ള ചികിത്സാ ചെലവ് വർധിക്കുന്നതിനാൽ, ആശുപത്രി ബില്ലുകൾ അടയ്‌ക്കേണ്ടി വരുന്നത് പ്രായമായവർക്ക് പ്രയാസകരം തന്നെയാണ്. ചികിൽസ ചെലവുകൾ ആരോഗ്യ ഇൻഷുറൻസ് പോളിസി മുഖേനെ പരിഹരിക്കപ്പെടുമ്പോൾ സമാധാനപരമായ ജീവിത സാഹചര്യം നയിക്കാനും പ്രായമായവർക്ക് സാധിക്കും.

പ്രായമായവർക്കുള്ള ആരോഗ്യ ഇൻഷുറൻസ് പദ്ധതിയിൽ എന്തെല്ലാമാണ് ഉൾപ്പെടുത്തിയിരിക്കുന്നത്?

പ്രായമായവർക്കുള്ള ആരോഗ്യ ഇൻഷുറൻസ് പ്ലാനുകൾ വാഗ്ദാനം ചെയ്യുന്ന ചില പൊതുവായ പരിരക്ഷകൾ ഇനിപ്പറയുന്നവയാണ്

• ആശുപത്രിവാസത്തിന്റെ ചെലവുകൾ: പ്രായമായവർക്കുള്ള പോളിസിയ്ക്ക് കീഴിൽ റൂം ചാർജുകൾ, ഡോക്ടർ ഫീസ്, നഴ്സിംഗ് ഫീസ്, മരുന്നിന്റെയും മരുന്നുകളുടെയും ചിലവ്, ICU ചാർജുകൾ, ശസ്ത്രക്രിയാ ഉപകരണങ്ങളുടെ വില, ഓപ്പറേഷൻ തിയറ്റർ നിരക്കുകൾ എന്നിങ്ങനെയുള്ള ചെലവുകൾ ഉൾപ്പെടുന്നു. ഒരു പ്രായമായ വ്യക്തികൾക്ക് ആവശ്യമായി വന്നേക്കാവുന്ന കൃത്രിമ കൈകാലുകൾ, ഓർത്തോപീഡിക് ഇംപ്ലാന്റുകൾ, കൃത്രിമ ഉപകരണങ്ങൾ, ഡയഗ്നോസ്റ്റിക് ടെസ്റ്റുകൾ എന്നിവയുടെ ചെലവും പോളിസി ഉൾക്കൊള്ളുന്നു.
• ഡേ കെയർ ചികിത്സകൾ: കീമോതെറാപ്പി, ഡയാലിസിസ് മുതലായവ ചില ചികിൽസകൾക്ക് 24 മണിക്കൂറിൽ താഴെ മാത്രമേ ആശുപത്രിവാസം ആവശ്യമായി വരുകയുള്ളൂ. ഇത്തരത്തിലുള്ള നിർദ്ദിഷ്ട ഡേ കെയർ ചികിത്സകളും മിക്ക പ്ലാനുകളിലും ഉൾപ്പെടുത്തുന്നു
• ആശുപത്രി വാസത്തിന് മുൻപും ശേഷവുമുള്ള ചെലവുകൾ- പ്രായമായവർക്കുള്ള മിക്ക മെഡിക്ലെയിം പോളിസികൾക്ക് കീഴിലും ആശുപത്രിയിൽ പ്രവേശിപ്പിക്കുന്നതിന് മുമ്പും ഡിസ്ചാർജ് ചെയ്തതിനുശേഷമുള്ള ചികിത്സാ ചെലവുകൾ ഉൾപ്പെടുത്തിയിട്ടുണ്ട്
• കോവിഡ്-19 പരിരക്ഷ- കൊറോണ വൈറസ് ചികിത്സയിൽ ഒരു പ്രത്യേക പരിധി വരെയുള്ള ചെലവും പോളിസി വഹിച്ചേക്കാം.
• അവയവ ദാതാവിന്റെ ചെലവുകൾ- ഒട്ടുമിക്ക മെഡിക്ലെയിം പോളിസികളും അവയവം ദാനം അല്ലെങ്കിൽ മാറ്റിവയ്ക്കൽ ആവശ്യമായി വരുന്ന സമയത്ത് ദാതാവിന്റെ ചെലവുകൾ ഉൾക്കൊള്ളുന്നത്തിനായി രൂപീകരിച്ചിട്ടള്ളവയാണ്.
• ആംബുലൻസ് ചാർജുകൾ- ഇൻഷ്വർ ചെയ്തയാളെ നിർദിഷ്ട പരിധി വരെയുള്ള ദൂരത്തുള്ള ആശുപത്രിയിലേക്ക് കൊണ്ടുപോകുന്നതിന് ആവശ്യമായ ആംബുലൻസ് ചാർജുകൾ പോളിസി കവർ ചെയ്യുന്നു.
• മുൻപുള്ള രോഗങ്ങൾ- ഇൻഷ്വർ ചെയ്തിട്ടുള്ള പ്രായമായ വ്യക്തിയുടെ മുൻകാല രോഗങ്ങൾക്ക് ഒരു നിശ്ചിത വെയ്റ്റിംഗ് പിരീഡിന് ശേഷം പരിരക്ഷ ലഭിക്കുന്നതാണ്.
• AYUSH ചികിത്സാച്ചെലവ്- സർക്കാർ അംഗീകൃതമായ ആശുപത്രിയിലോ സ്ഥാപനത്തിലോ നിന്നുള്ള AYUSH സമ്പ്രദായങ്ങളിലെ ചികിത്സയും പ്രായമായവർക്കുള്ള ചില മെഡിക്ലെയിം പോളിസികൾ പരീരക്ഷിക്കുന്നു.
• ഡോമിസിലിയറി ഹോസ്പിറ്റലൈസേഷൻ പരിരക്ഷ- പ്രായമായ വ്യക്തിക്ക് ഡോക്‌ടർ വീട്ടിൽ നിന്നുള്ള ചികിത്സ നിർദ്ദേശിക്കുകയാണെങ്കിൽ, അവരുടെ ഇൻഷ്വറൻസ് കമ്പനി ഡോമിസിലിയറി ഹോസ്പിറ്റലൈസേഷൻ ചെലവുകൾക്കും പരിരക്ഷ നൽകിയേക്കാം .

പ്രായമായവർക്കുള്ള ആരോഗ്യ ഇൻഷുറൻസ് പ്ലാനിൽ എന്താണ് ഉൾപ്പെടാത്തത്?

പ്രായമായവർക്കുള്ള ആരോഗ്യ ഇൻഷുറൻസ് പ്ലാനിന് കീഴിൽ വരാത്ത ചികിത്സാ ചെലവുകളുടെ ഒരു ലിസ്റ്റ് ചുവടെ നൽകിയിരിക്കുന്നു:

• മുമ്പുണ്ടായിരുന്ന രോഗങ്ങളോ പരിക്കുകളോ
• സ്വന്തമായി വരുത്തുന്ന പരിക്കുകൾ അല്ലെങ്കിൽ ആത്മഹത്യശ്രമം മൂലം ഉണ്ടാകുന്ന ചെലവുകൾ
• മയക്കുമരുന്ന്, മദ്യം എന്നിവയുടെ ഉപയോഗം, ഇവ സംബന്ധിച്ച ചികിത്സ എന്നിവയുടെ ചെലവുകൾ
• പോളിസി വാങ്ങി 30 ദിവസത്തിനുള്ളിൽ നിർണ്ണയിച്ച രോഗങ്ങൾ (പരിക്കുകൾ ഒഴികെ)
• അലോപ്പതി ഒഴികെയുള്ള ചികിത്സാരീതികളുമായി ബന്ധപ്പെട്ട ചെലവുകൾ
• വിദേശ സൈന്യനടപടികൾ അല്ലെങ്കിൽ ആഭ്യന്തര യുദ്ധംഎന്നിവ മൂലമുണ്ടാകുന്ന പരിക്കുകളിൽ നിന്നുള്ള പരിരക്ഷ.
• സൌന്ദര്യവർദ്ധക ശസ്ത്രക്രിയകൾ
• അപകടങ്ങൾ മൂലമോഅല്ലാതെയോ ആവശ്യമായി വരുന്ന ദന്ത ചികിത്സ, ലെൻസുകൾ/കണ്ണടകൾ എന്നിവയ്ക്കുള്ള ചെലവ്
• AIDS ചികിത്സാ ചെലവ്

ഒഴിവാക്കുന്ന വസ്തുതകളും മാനദണ്ഡങ്ങളും ഒരു പ്ലാനിൽ നിന്ന് മറ്റൊന്നിലേക്ക് വ്യത്യാസപ്പെടുന്നു എന്നത് ശ്രദ്ധിക്കുക.

പ്രായമായവർക്കായി ഒരു മെഡിക്ലെയിം പോളിസി വാങ്ങുമ്പോൾ ശ്രദ്ധിക്കേണ്ട കാര്യങ്ങൾ

പ്രായമായവർക്കായുള്ള മെഡിക്ലെയിം പോളിസി, വർദ്ധിച്ചു വരുന്ന പ്രായവും അതിനനുബന്ധമായ രോഗാവസ്ഥകളും മൂലം ചെലവേറുന്ന ചികിത്സയക്ക് ആവശ്യമായി പരിരക്ഷയും സാമ്പത്തിക പിന്തുണയും വാഗ്ദാനം ചെയ്യുന്നു. നിങ്ങളുടെ കുടുംബത്തിലെ പ്രായമായവർക്കായി നിങ്ങൾക്ക് Policybazaar.com. ൽ നിന്ന് എളുപ്പത്തിൽ ആരോഗ്യ ഇൻഷുറൻസ് പ്ലാനുകൾ ഓൺലൈനായി വാങ്ങാം. പ്രായമായവരുടെ മെഡിക്ലെയിം പോളിസി വാങ്ങുമ്പോൾ ശ്രദ്ധിക്കേണ്ട കാര്യങ്ങൾ മനസ്സിലാക്കാം.:

1. ദൈനം ദിന പരിചരണ ചികിത്സകൾ

   ആരോഗ്യ പരിചരണ രംഗത്തെ സാങ്കേതിക വിദ്യയുടെ പുരോഗതിയോടെ, ദൈനിക പരിചരണ നടപടിക്രമങ്ങളിൽ ധാരാളം ചികിത്സകളും ശസ്ത്രക്രിയകളും ഉൾപ്പെടുത്താൻ സാധിക്കുന്നു. നിലവിൽ നിങ്ങളെടുക്കുന്ന ഒരു സാധാരണ ആരോഗ്യ ഇൻഷുറൻസ് പോളിസി പ്രകാരം, ക്ലെയിം ഉന്നയിക്കുന്നതിന് പോളിസി ഉടമ കുറഞ്ഞത് 24 മണിക്കൂറെങ്കിലും ആശുപത്രിയിൽ തുടരേണ്ടതുണ്ട്. അതായത് ഗുരുതര രോഗങ്ങളോടാനുബന്ധിച്ചുള്ള ചികിൽസ നടപടികളായ ഡയാലിസിസ്, കീമോതെറാപ്പി, റേഡിയോതെറാപ്പി തുടങ്ങിയ 24 മണിക്കൂർ ആവശ്യമില്ലാത്ത നിരവധി ദൈനം ദിന പരിചരണ നടപടിക്രമങ്ങൾ ഉൾക്കൊള്ളുന്നതിനായി പ്രായമായവർക്കുള്ള പ്ലാൻ പ്രത്യേകം തിരഞ്ഞെടുക്കുന്നതാണ് ഉചിതം.

2. പണരഹിത ആശുപത്രികൾ

   ആരോഗ്യ ഇൻഷുറൻസ് കമ്പനികൾക്ക് കീഴിൽ ചികിൽസ പങ്കാളിത്തത്തിൽ എറപ്പെട്ടിട്ടുള്ള ധാരാളം ആശുപത്രികൾ ഉൾക്കൊള്ളുന്ന ഒരു വിശാലമായ ശൃംഖലയുണ്ടായിരിക്കും, ഇത്തരം ആശുപത്രീകളിൽ നിങ്ങൾക്ക് പണരഹിത ചികിൽസ സൗകര്യങ്ങൾ ലഭിക്കും. ഒരു പ്ലാൻ വാങ്ങുന്നതിന് മുമ്പ് നിങ്ങളുടെ ഇൻഷുറൻസ് കമ്പനി സേവനം നൽകുന്ന നെറ്റ്‌വർക്ക് ആശുപത്രികളുടെ ലിസ്റ്റ് പരിശോധിക്കേണ്ടതാണ്. നിങ്ങളുടെ പ്രദേശത്തെ നല്ല ആശുപത്രി ഈ ലിസ്റ്റിൽ ഉൾപ്പെട്ടിട്ടുണ്ടോ എന്ന് അറിയാൻ ഇത് നിങ്ങളെ സഹായിക്കും. Policybazaar.com-ൽ നിന്ന് വ്യത്യസ്ത ഇൻഷുറൻസ് കമ്പനികളുടെ നെറ്റ്‌വർക്കിലുള്ള ആശുപത്രികളുടെ ലിസ്റ്റ് പരിശോധിക്കാനും പ്രായമായവർക്കുള്ള മികച്ച ആരോഗ്യ ഇൻഷുറൻസ് പോളിസി ഓൺലൈനായി വാങ്ങാനും സാധിക്കുന്നതാണ്.

3. ആരോഗ്യ ഇൻഷുറൻസ് ക്ലെയിമുകളുടെ കാര്യക്ഷമത

   പ്രായമായവർക്കായുള്ള ഒരു ആരോഗ്യ പോളിസി വാങ്ങുമ്പോൾ ഒരു ഇൻഷുറൻസ് കമ്പനിയക്ക് നിലവിലുള്ള ക്ലെയിം സെറ്റിൽമെന്റ് അനുപാതവും ക്ലെയിം സെറ്റിൽമെന്റ് സമയവും കണക്കിലെടുക്കണം. ഇൻഷുറൻസ് കമ്പനിയ്ക്ക് ക്ലെയിം സെറ്റിൽമെന്റ് സമയം കുറവും ക്ലെയിം സെറ്റിൽമെന്റ് അനുപാതം കൂടുതലും ആണെങ്കിൽ, നിങ്ങളുടെ ക്ലെയിം വേഗത്തിൽ തീർപ്പാക്കുന്നു എന്നാണ് ഇത് സൂചിപ്പിക്കുന്നത്.

4. നോ ക്ലെയിം ബോണസ്

   പോളിസി ഉടമ മുൻ വർഷത്തിൽ ക്ലെയിമുകളൊന്നും ഉന്നയിച്ചിട്ടില്ലെങ്കിൽ മിക്കവാറും എല്ലാ ഇൻഷുറൻസ് കമ്പനികളും നോ ക്ലെയിം ബോണസ് എന്ന പേരിൽ ഒരു കിഴിവ് നൽകുന്നു. ഈ ആനുകൂല്യത്തിന് കീഴിൽ പോളിസി പ്രീമിയം കുറയുകയോ ഇൻഷ്വർ ചെയ്ത തുക വർദ്ധിക്കുകയോ ചെയ്യും.

5. സൗജന്യ ആരോഗ്യ പരിശോധന സൗകര്യം

   പ്രായമായവർക്കായുള്ള മികച്ച ആരോഗ്യ ഇൻഷുറൻസ് പ്ലാനുകൾ എല്ലാം തന്നെ പോളിസി ഉടമകൾക്ക് സൗജന്യമായി വാർഷിക വൈദ്യപരിശോധനയക്ക് സൌകര്യമൊരുക്കുന്നു. സാധാരണയായി ചില പോളിസി വർഷങ്ങൾ പൂർത്തീകരിച്ചതിന് ശേഷമോ അല്ലെങ്കിൽ രണ്ടോ മൂന്നോ ക്ലെയിം രഹിത വർഷങ്ങളിൽ ഒരിക്കലോ ആണ് വാഗ്ദാനം ചെയ്യുന്നത്

പ്രായമായാവർക്കായുള്ള ആരോഗ്യ ഇൻഷുറൻസിന്റെ ക്ലെയിം സെറ്റിൽമെന്റ് നടപടി

പോളിസി ഉടമകളെ ആശുപത്രിയിൽ പ്രവേശിപ്പിക്കുകയോ അടിയന്തിര വൈദ്യചികിത്സ നേടുകയോ ആവശ്യമായി വന്നാൽ പ്രായമായവർക്കുള്ള ആരോഗ്യ ഇൻഷുറൻസ് പ്ലാനുകൾക്ക് കീഴിൽ ആരോഗ്യ ഇൻഷുറൻസ് ക്ലെയിം ഫയൽ ചെയ്യാനാകും. ഇത് പോളിസിയുടെ സേവന നെറ്റ്‌വർകിലുള്ള ആശുപതികളിൽ പണരഹിത ചികിത്സ ലഭ്യമാക്കുന്നതിനോ അല്ലെങ്കിൽ നെറ്റ്‌വർക്കിൽ ഉൾപ്പെടാത്ത ആശുപത്രിയിലെ ചെലവുകളുടെ റീഇംബേഴ്‌സ്‌മെന്റ് നേടുന്നതിനോ ആയിരിക്കാം. ഒരു റീഇംബേഴ്‌സ്‌മെന്റോ പണരഹിത ക്ലെയിമോ ഫയൽ ചെയ്യുന്നതിനുള്ള നടപടിക്രമം ചുവടെ നൽകിയിരിക്കുന്നു:

1. പ്രായമായവർക്കായുള്ള ആരോഗ്യ ഇൻഷുറൻസ് റീഇംബേഴ്സ്മെന്റ് ക്ലെയിം നടപടിക്രമം:

   പ്രായമായവർക്കുള്ള ആരോഗ്യ ഇൻഷുറൻസ് പ്ലാനിന് കീഴിൽ റീഇംബേഴ്സ്മെന്റ് ക്ലെയിം നൽകുന്നനുള്ള നടപടികളാണ് ഇനിപ്പറയുന്നത്:

   • ആശുപത്രിയിൽ പ്രവേശിപ്പിക്കുകയാണെങ്കിൽ ഉടൻ തന്നെ ഇൻഷുറൻസ് കമ്പനിയെ അറിയിക്കുക
   • ആശുപത്രിയിൽ നിന്നും ഡിസ്ചാർജ് ചെയ്യുന്ന സമയത്ത് എല്ലാ മെഡിക്കൽ രേഖകളും ശേഖരിക്കുക
   • ക്ലെയിം ഫോം പൂരിപ്പിച്ച് ഒപ്പു വയ്ക്കുക
   • ഡോക്ടറുടെ കുറിപ്പടികൾ, പാത്തോളജി പരിശോധനകളുടെ റിപ്പോർട്ടുകൾ, കെമിസ്റ്റുകളിൽ നിന്നുള്ള ബില്ലുകൾ, ഹോസ്പിറ്റലിൽ പ്രവേശിപ്പിച്ചതിന്റെ സർട്ടിഫിക്കറ്റ്, ഡിസ്ചാർജ് സർട്ടിഫിക്കറ്റ് തുടങ്ങിയ ആവശ്യമായ എല്ലാ രേഖകളും സഹിതം TPA യ്ക്ക് അല്ലെങ്കിൽ ഇൻഷുറൻസ് ദാതാവിന് ക്ലെയിം ഫോം സമർപ്പിക്കുക,
   • ക്ലെയിം ടീം ഇവ വിശദമായി വിലയിരുത്തിയതിന് ശേഷം ക്ലെയിം തീർപ്പാക്കുകയും ക്ലെയിം തുക നൽകുകയും ചെയ്യുന്നു.

2. പ്രായമായവർക്കുള്ള ആരോഗ്യ ഇൻഷുറൻസ് ക്യാഷ്ലെസ്സ് ക്ലെയിം പ്രക്രിയ:

   പോളിസിയുടെ സേവന നെറ്റ്‌വർക്കിലുള്ള ഒരു ആശുപത്രിയിൽ നിങ്ങൾക്ക് ചികിത്സ ലഭിക്കുകയാണെങ്കിൽ, പ്രായമായവർക്കുള്ള ആരോഗ്യ പോളിസിയ്‌ക്ക് കീഴിൽ പണരഹിതമായ ചികിൽസയുടെ ക്ലെയിം ഫയൽ ചെയ്യാം.ഇതിനുള്ള നടപടികളാണ് ചുവടെ നല്കിയിട്ടുള്ളത്:

   • ഇൻഷുറൻസ് ദാതാവിന്റെ നെറ്റ്‌വർക്കിലുള്ള ആശുപത്രിയിൽ പ്രവേശനം നേടുക
   • ആശുപത്രിയിൽ നിന്നുള്ള പ്രീ-ഓതറൈസേഷൻ ഫോം പൂരിപ്പിച്ച് ആശുപത്രിയിലെ ബന്ധപ്പെട്ട ഉദ്യോഗസ്ഥർക്ക് സമർപ്പിക്കുക
   • ഇൻഷ്വർ ചെയ്ത പ്രായമായ വ്യക്തിയെ പണരഹിതമായി ആശുപത്രിയിൽ പ്രവേശിപ്പിക്കുന്നതിന് ഇൻഷുറൻസ് കമ്പനിയുടെയോ ക്ലെയിം ടീമിന്റെയോ അംഗീകാരം ലഭിക്കുന്നതിനായുള്ള പ്രീ-ഓതറൈസേഷൻ അഭ്യർത്ഥന ആശുപത്രി TPA-യിലേക്ക് അയയ്ക്കും
   • അംഗീകാരത്തിന് ശേഷം ചികിത്സ നേടുകയും ഡിസ്ചാർജ് ചെയ്യുകയും ചെയ്യാം
   • ഇൻഷുറൻസ് കമ്പനി ആശുപത്രിയുമായി നേരിട്ട് ബന്ധപ്പെട്ട ക്ലെയിം തീർപ്പാക്കുന്നതാണ്.

പ്രായമായവർക്കായുള്ള ആരോഗ്യ ഇൻഷുറൻസ് സംബന്ധമായ നികുതി ആനുകൂല്യങ്ങൾ

പ്രായമായവരുടെ ഇൻഷുറൻസ് പോളിസികൾ മെഡിക്കൽ ചെലവുകൾ വഹിക്കുക മാത്രമല്ല, 1961 ലെ ആദായനികുതി നിയമത്തിന്റെ 80D വകുപ്പ് പ്രകാരം നികുതിയിളവുകളും നിങ്ങൾക്ക് നല്കുന്നു. നിങ്ങൾ നിങ്ങളുടെ പ്രായമായ മാതാപിതാക്കൾക്ക് വേണ്ടി പ്രായമായവർക്കായുള്ള ഒരു മെഡിക്ലെയിം കൈവശം വയ്ക്കുന്ന വ്യക്തിയാണെങ്കിൽ നിങ്ങൾക്ക് 50,000 രൂപ വരെ ആദായനികുതി റിബേറ്റിന് അർഹതയുണ്ട്.

എല്ലാ സാമ്പത്തിക വർഷവും നടത്തുന്ന പ്രതിരോധ ആരോഗ്യ പരിശോധനകൾക്കായി നടത്തുന്ന പേയ്‌മെന്റുകൾക്ക് 5,000 രൂപയുടെ അധിക നികുതി ഇളവും നിങ്ങൾക്ക് ലഭിക്കും. കൂടാതെ, നിങ്ങളുടെ ഉത്തരവാദിത്വത്തിലുള്ള പ്രായമായ വ്യക്തിയ്ക്ക് ഗുരുതരമായ രോഗങ്ങൾക്കുള്ള ചികിത്സ ആവശ്യമായി വരുകയാണെങ്കിൽ നിങ്ങൾക്ക് ഒരു ലക്ഷം രൂപ വരെ കിഴിവ് ലഭിക്കും.

നിങ്ങൾ ഇപ്പോഴും വരുമാനം നേടുകയും നിങ്ങളുടെ മകന്റെയോ മകളുടെയോ പേരിൽ ആരോഗ്യ ഇൻഷുറൻസ് പ്രീമിയം അടയ്ക്കുകയും ചെയ്യുന്ന പ്രായമായ ഒരു വ്യക്തിയാണെങ്കിൽ, 25,000 രൂപയുടെ ആദായനികുതി ഇളവ് അധികമായ നേടാൻ നിങ്ങൾക്ക് അരഹതയുണ്ടായിരിക്കും. അതായത് സെക്ഷൻ 80D പ്രകാരം ഒരു സാമ്പത്തിക വർഷത്തിൽ ലഭിക്കുന്ന നികുതി ആനുകൂല്യം 75,000 രൂപ വരെയാകാം.

പോളിസിബസാറിൽ നിന്ന് പ്രായമായവർക്കായുള്ള ആരോഗ്യ ഇൻഷുറൻസ് വാങ്ങുന്നതിന്റെ പ്രയോജനങ്ങൾ

പോളിസിബസാർ ഇൻഷുറൻസ് ബ്രോക്കർ പ്രൈവറ്റ് ലിമിറ്റഡ് പ്രായമായവർക്കുള്ള ആരോഗ്യ ഇൻഷുറൻസ് പോളിസി വാങ്ങുമ്പോൾ പോളിസി ഉടമയ്ക്ക് നിരവധി ആനുകൂല്യങ്ങൾ നല്കുന്നു. അവ ചിലതാണ് ഇനിപറയുന്നത്:

• ഓൺലൈൻ താരതമ്യം- Policybazaar.com ലൂടെ ഇന്ന് വിപണിയിൽ ലഭ്യമായിട്ടുള്ള പ്രായമായവർക്കായുള്ള ആരോഗ്യ ഇൻഷുറൻസ് പോളിസികളുടെ നിരവധി ഓപ്ഷനുകളുടെ ഓൺലൈൻ താരതമ്യത്തിന് സൌകര്യം ലഭിക്കുന്നു, നിഷ്പക്ഷമായി നടത്തുന്ന ഇത്തരം താരതമ്യങ്ങൾ നിങ്ങളുടെ ആരോഗ്യ ആവശ്യങ്ങൾക്കനുസരിച്ച് ഏറ്റവും അനുയോജ്യമായ പോളിസി കണ്ടെത്താന് നിങ്ങളെ സഹായിക്കുന്നതാണ്.
• സീനിയർ സിറ്റിസൺ ഹെൽത്ത് ഇൻഷുറൻസ് കാൽക്കുലേറ്റർ- യഥാർത്ഥത്തിൽ പോളിസി വാങ്ങുന്നതിന് മുമ്പ് വ്യത്യസ്ത പോളിസികളുടെ പ്രീമിയം എത്രത്തോളമാണെന്ന് പരിശോധിക്കാൻ ആരോഗ്യ ഇൻഷുറൻസ് കാൽക്കുലേറ്ററിന്റെ സൗകര്യം നിങ്ങളെ സഹായിക്കുന്നു.
• പ്രീമിയത്തിൽ ലാഭം- നിങ്ങൾ പ്രായമായവർക്കായുള്ള ആരോഗ്യ പോളിസി വാങ്ങുമ്പോൾ, പോളിസി കാലാവധി 2 വർഷങ്ങളായി തിരഞ്ഞെടുക്കുകയാണെങ്കിൽ Policybazaar.com ലൂടെ നിങ്ങളുടെ പ്രീമിയത്തിൽ 12.5% വരെ സേവിംഗ്സ് ലഭിക്കുന്നു. ഇത് മികച്ച സമാപ്തിക ലാഭം നല്കുന്നു.
• വിദഗ്ദ്ധോപദേശം- പോളിസി തിരഞ്ഞെടുക്കുന്നതും വാങ്ങുന്നതും സംബന്ധിച്ചുള്ള നിങ്ങളുടെ ചോദ്യങ്ങൾക്ക് ഉത്തരം നൽകുന്നതിനും പ്രായമായവർക്കായുള്ള മികച്ച ആരോഗ്യ ഇൻഷുറൻസ് പോളിസി വാങ്ങുന്നതിനും യോഗ്യരായ വ്യക്തികളുടെ ഒരു ടീം നിങ്ങളെ സഹായിക്കുന്നു.
• പോളിസി പെട്ടന്ന് വാങ്ങാനുള്ള സൌകര്യം- Policybazaar.com-ലൂടെ രണ്ട് മിനിറ്റിനുള്ളിൽ തന്നെ ഇൻഷുറൻസ് പോളിസി വാങ്ങാൻ കഴിയുന്നതിനാൽ നിങ്ങൾക്ക് ധാരാളം സമയവും ലാഭിക്കാനാകുന്നു.
• ക്ലെയിം പിന്തുണ-പോളിസി വാങ്ങിയതിന് ശേഷം അതിന്റെ ക്ലെയിം ആവശ്യങ്ങൾക്കുള്ള സഹായവും ഇവിടെ ലഭിക്കുന്നു.

പ്രായമായവർക്കുള്ള ആരോഗ്യ ഇൻഷുറൻസ് FAQ കൾ