മാതാപിതാക്കൾക്കായുള്ള ആരോഗ്യ ഇൻഷുറൻസ്

എന്തുകൊണ്ടാണ് നിങ്ങളുടെ മതാപിതാക്കൾക്ക് ആരോഗ്യ ഇൻഷുറൻസ് ആവശ്യമായി വരുന്നത് ?

മാതാപിതാക്കൾക്കായി ഒരു ആരോഗ്യ ഇൻഷുറൻസ് എടുക്കേണ്ടത് പ്രധാനമാണെന്ന്,ചില കാരണങ്ങൾ ഇവിടെയിതാ:

1. പ്രായവുമായി ബന്ധപ്പെട്ട ആരോഗ്യപ്രശ്നങ്ങൾക്ക് സങ്കീർണതകൾക്ക് കൂടുതൽ സാധ്യത

   ഒരു വ്യക്തിയുടെ 60 വയസിനോടടുത്ത മതാപിതാക്കൾക്ക് സന്ധി വേദന, പ്രമേഹം, ഉയർന്ന രക്തസമ്മർദ്ദം, തിമിരം, തുടങ്ങിയ പ്രായവുമായി ബന്ധപ്പെട്ട വിവിധ ആരോഗ്യപ്രശ്നങ്ങൾ ഉണ്ടാകുന്നത് സ്വാഭാവികമാണ്. വർദ്ധക്യവുമായി ബന്ധപ്പെട്ട ഇത്തരം സങ്കീർണതകളുടെ ചികിത്സകൾ ചെലവേറിയതും ദീർഘകാലം നീണ്ടുനിൽക്കുന്നതുമായേക്കാം. നിങ്ങളുടെ മാതാപിതാക്കൾക്ക് ഒരു മെഡിക്കൽ അത്യാഹിതം നേരിടേണ്ടി വരുന്ന സാഹചര്യത്തിൽ സാമ്പത്തികമായി സജ്ജരായിരിക്കാനും അവർക്ക് ഏറ്റവും മികച്ച ചികിത്സതന്നെ കാലതാമസമൊന്നും കൂടാതെ ലഭ്യമാക്കാനും ആരോഗ്യ ഇൻഷുറൻസ് സഹായകമാകുന്നു.

2. ആരോഗ്യ പരിചരണ ചെലവുകളിലെ വർദ്ധനവ്

   നിലവിൽ ഇന്ത്യയിലെ ചികിത്സ രംഗത്തെചിലവ് എക്കാലത്തെയും ഉയർന്ന നിലയിലാണുള്ളത്, അതുകൊണ്ടു തന്നെ ആശുപത്രിവാസവും ആരോഗ്യ സേവനങ്ങളും ചെലവേറിയതാണ് . ചെറിയൊരു ആരോഗ്യ പ്രശ്നം മൂലം നിങ്ങളുടെ മാതാപിതാക്കളെ ആശുപത്രിയിൽ ചെറിയൊരു ആരോഗ്യ പ്രശ്നത്തിന്റെ പേരിൽ ആശുപത്രിയിൽ പ്രവേശിപ്പിക്കുമ്പോഴും നിങ്ങൾക്ക് ലക്ഷക്കണക്കിന് രൂപ ചിലവായേക്കാം. എന്നാൽ നിങ്ങളുടെ മാതാപിതാക്കൾക്ക് ആരോഗ്യ ഇൻഷുറൻസ് പരിരക്ഷയുണ്ടെങ്കിൽ, പ്രസ്തുത ഇൻഷുറൻസ് ദാതാവ് സേവനം നല്കുന്ന നെറ്റ്‌വർക്കിൽ ഉൾപ്പെടുന്ന ആശുപത്രികളിൽ നിന്നും നിങ്ങൾക്ക് തടസ്സങ്ങളോന്നുമില്ലാതെ പണരഹിതമായ ചികിത്സ ലഭ്യമാക്കാവുന്നതാണ്.

3. ചികിത്സനിലവാരത്തിൽ വിട്ടുവീഴ്ച ആവശ്യമില്ല

   മെഡിക്കൽ പണപ്പെരുപ്പം അതിൻ്റെ ഉച്ചസ്ഥായിയിൽ ആയിരിക്കുമ്പോൾ, പണത്തിൻ്റെ അഭാവം മൂലം നിങ്ങളുടെ മാതാപിതാക്കളുടെ ചികിത്സയുടെ ഗുണനിലവാരത്തിൽ വിട്ടുവീഴ്ച ചെയ്യാൻ നിങ്ങൾക്ക് സമ്മർദ്ദം അനുഭവപ്പെട്ടേക്കാം. എന്നിരുന്നാലും, 60 വയസ്സിന് മുകളിലുള്ള മാതാപിതാക്കൾക്ക് നിങ്ങൾക്ക് ആരോഗ്യ ഇൻഷുറൻസ് ഉണ്ടെങ്കിൽ, നഗരത്തിലെ ഏറ്റവും മികച്ച ആശുപത്രിയിൽ നിന്നു തന്നെ നിങ്ങളുടെ മാതാപിതാക്കൾക്ക് ഉയർന്ന നിലവാരമുള്ള ചികിത്സ നൽകാം.

4. നിങ്ങളുടെ മാതാപിതാക്കളുടെ റിട്ടയർമെന്റ് ഫണ്ടുകൾ സംരക്ഷിക്കാം

   ചികിൽസ ആവശ്യമായ ഗുരുതരമായ ഒരു അടിയന്തര സാഹചര്യം നിങ്ങളുടെ മാതാപിതാക്കളുടെ റിട്ടയറമെന്റ് ഫണ്ട് ഒറ്റ നിമിഷത്തിൽ കാലിയാക്കിയേക്കാം. റിട്ടയർമെന്റ് സമയത്തിനായി അവർ കരുതിവച്ച സ്വപ്നങ്ങളെയെല്ലാം തകർക്കാൻ അതിന് കഴിയും. എന്നാൽ മതാപിതാക്കൾക്കുള്ള ആരോഗ്യ ഇൻഷുറൻസ് ഉപയോഗിച്ച്, ആജീവനാന്ത കാലത്തെ അവരുടെ സമ്പാദ്യം സംരക്ഷിക്കാനും, ഭാരിച്ച മെഡിക്കൽ ബില്ലുകൾക്കായി പണം ചെലവഴിക്കാതെ, അവരുടെ വിരമിക്കൽ ലക്ഷ്യങ്ങൾ നിറവേറ്റാൻ സാഹായിക്കാനും കഴിയും.

മാതാപിതാക്കൾക്കായി ശുപാർശ ചെയ്യുന്ന മികച്ച ആരോഗ്യ ഇൻഷുറൻസ് പ്ലാനുകൾ

ഇന്ത്യൻ വിപണിയിൽ നിരവധി ആരോഗ്യ ഇൻഷുറൻസ് പ്ലാനുകൾ ലഭ്യമായതിനാൽ, രക്ഷിതാക്കൾക്കുള്ള ഏറ്റവും മികച്ച മെഡിക്കൽ ഇൻഷുറൻസ് പോളിസി താരതമ്യം ചെയ്യേണ്ടത് അത്യാവശ്യമാണ്. 50 വയസ്സിന് മുകളിൽ പ്രായമുള്ള മാതാപിതാക്കൾക്കായി ചില മികച്ച ആരോഗ്യ ഇൻഷുറൻസ് പ്ലാനുകളാണ് ഇനിപറയുന്നത്:

*നിരാകരണം: ഏതെങ്കിലും പ്രത്യേക ഇൻഷുറൻസ് ദാതാവിനെയോ അല്ലെങ്കിൽ ഇൻഷുറൻസ് ഉൽപ്പന്നത്തെയോ പോളിസിബസാർ അംഗീകരിക്കുകയോ വിലയിരുത്തുകയോ ശുപാർശ ചെയ്യുകയോ ചെയ്യുന്നില്ല.

നിങ്ങളുടെ മതാപിതാക്കൾക്കുള്ള ആരോഗ്യ ഇൻഷുറൻസ് പോളിസിയുടെ കീഴിൽ എന്തെല്ലാമാണ് പരിരക്ഷിക്കപ്പെടുന്നത്?

മാതാപിതാക്കൾക്കുള്ള ആരോഗ്യ ഇൻഷുറൻസ് പോളിസിയിൽ ഇനിപ്പറയുന്ന ചികിത്സാ ചെലവുകൾ ഉൾപ്പെടുത്തിയിരിക്കുന്നു:

• ആശുപത്രിയിൽ പ്രവേശിപ്പിക്കപ്പെടുമ്പോഴുള്ള ചെലവുകൾ - ആശുപത്രിയിൽ പ്രവേശിപ്പിച്ചു 24 മണിക്കൂറിൽ ശേഷം തുടരേണ്ടി വരുമ്പോൾ നിങ്ങളുടെ മാതാപിതാക്കൾക്കുണ്ടാകുന്ന ചികിത്സാ ചെലവുകൾ ഇത് കവർ ചെയ്യുന്നു.
• ആശുപത്രിയിൽ പ്രവേശിപ്പിക്കുന്നതിനു മുൻപുള്ള ചെലവുകൾ- ആശുപത്രിയിൽ പ്രവേശിപ്പിക്കുന്നതിന് മുമ്പുള്ള നിങ്ങളുടെ മാതാപിതാക്കളുടെ രോഗനിർണയ പരിശോധനകൾക്കും. ഡോക്ടർമാരുടെ കൺസൾട്ടേഷനുകൾക്കും ഇത് പണം നൽകുന്നു. സാധാരണ ഗതിയിൽ , പ്ലാൻ അനുസരിച്ച് ഇത് ആശുപത്രി പ്രവേശനത്തിന് മുൻപ് 30 ദിവസം മുതൽ 90 ദിവസം വരെയായിരിക്കും.
• ആശുപത്രി പ്രവേശനത്തിന് ശേഷമുള്ള ചെലവുകൾ - ഇതിൽ ആശുപത്രിയിൽ നിന്ന് നിങ്ങളുടെ മാതാപിതാക്കളെ ഡിസ്ചാർജ് ചെയ്തതിന് ശേഷമുള്ള ചികിത്സാ ചെലവുകൾ ഉൾക്കൊള്ളുന്നു. . സാധാരണ ഗതിയിൽ പ്ലാൻ അനുസരിച്ച് ഇത്, ആശുപത്രി പ്രവേശനത്തിന് ശേഷമുള്ള 60 ദിവസം മുതൽ 90 ദിവസം വരെയായിരിക്കും.
• ദൈനം ദിന പരിചരണ നടപടിക്രമങ്ങൾ - 24 മണിക്കൂർ ആശുപത്രിയിൽ പ്രവേശിപ്പിക്കേണ്ടതില്ലാത്ത വെരിക്കോസ് വെയിൻ സർജറി, തിമിര ശസ്ത്രക്രിയ മുതലായവ പോലുള്ള ഡേ കെയർ ചികിത്സകൾക്കുള്ള സാമ്പത്തിക സഹായം ഇതിൽ ഉൾപ്പെടുത്തുന്നു. തിരഞ്ഞെടുത്ത പ്ലാനിനെ ആശ്രയിച്ച് പരിരക്ഷ നല്കുന്നതിൽ ഉൾപ്പെടുന്ന ഡേ കെയർ നടപടിക്രമങ്ങളുടെ എണ്ണം വ്യത്യസ്തമായേക്കാം.
• AYUSH ആനുകൂല്യം - AYUSH ചികിത്സാരീതികളിൽ ഉൾപ്പെടുന്ന ആയുർവേദം, ഹോമിയോപ്പതി, യുനാനി, സിദ്ധ, യോഗ എന്നിവയ്ക്ക് കീഴിൽ നിങ്ങളുടെ മാതാപിതാക്കൾക്ക് കിടത്തി ചികിത്സയ്ക്ക് ആവശ്യമായിവരുന്ന സാഹചര്യങ്ങളിലെ ചികിത്സാ ചെലവുകൾ ഇതിലൂടെ പരിരക്ഷിക്കപ്പെടുന്നു.
• മുൻപ് തന്നെ നിലവിലുള്ള രോഗങ്ങൾ- നിങ്ങളുടെ മാതാപിതാക്കൾക്ക് മുൻപ് തന്നെ നിലവിലുള്ള രോഗങ്ങളുടെ ചികിത്സയ്ക്കായി 2 മുതൽ 4 വർഷം വരെയുള്ള വെയ്റ്റിംഗ് പിരീഡിന് ശേഷം മാത്രമേ സാമ്പത്തിക പിന്തുണ നല്കുകയുള്ളൂ എന്നിരുന്നാലും, നിരവധി ആരോഗ്യ ഇൻഷുറൻസ് പദ്ധതികൾ ഇപ്പോൾ ആദ്യ ദിവസം മുതൽ തന്നെ മുൻപ് നിലവിലുണ്ടായിരുന്ന രോഗങ്ങൾക്ക് (PED) പരിരക്ഷ വാഗ്ദാനം ചെയ്യുന്നു.
• പ്രധാന ശസ്ത്രക്രിയകൾ - നിങ്ങളുടെ മാതാപിതാക്കളുടെ കാൽമുട്ട് മാറ്റിവയ്ക്കൽ ശസ്ത്രക്രിയയുടെ ചെലവ്, മസ്തിഷ്ക ശസ്ത്രക്രിയ, ബരിയാട്രിക് ശസ്ത്രക്രിയ, കരൾ മാറ്റിവയ്ക്കൽ ശസ്ത്രക്രിയ, ഓപ്പൺ ഹാർട്ട് സർജറി ചെലവ് തുടങ്ങിയവപോലുള്ള പ്രധാന ശസ്ത്രക്രിയകളുടെ ചെലവ് പോളിസി വഹിക്കുന്നതാണ്.
• ആരോഗ്യ പരിശോധന ആനുകൂല്യം- ഇത് നിങ്ങളുടെ മാതാപിതാക്കളുടെ രോഗ പ്രതിരോധ പരിശോധനകളുടെ ചെലവുകൾക്ക് പണം നൽകുന്നു.
• ആശുപത്രി പ്രവേശനം സാധ്യമല്ലാത്ത സാഹചര്യത്തിൽ നിങ്ങളുടെ മാതാപിതാക്കൾക്ക് ഡോമിസിലിയറി ചികിത്സ നൽകുന്നതിനുള്ള ചെലവുകളും ഇതിലൂടെ പരിരക്ഷിക്കപ്പെടുന്നതാണ്.
• അവയവ ദാതാവിൻ്റെ ചെലവുകൾ- നിങ്ങളുടെ മാതാപിതാക്കളുടെ അവയവ മാറ്റ ശസ്ത്രക്രിയയ്ക്കായി അവയവം ദാനം ചെയ്ത വ്യക്തിയ്ക്കുണ്ടാകുന്ന ചെലവ് ഇത് നൽകുന്നു.
• ഹോം ട്രീറ്റ്മെന്റ്- നിങ്ങളുടെ മാതാപിതാക്കൾക്ക് ഒരു ഡോക്ടറുടെ ഉപദേശപ്രകാരം വീട്ടിൽ ചികിത്സ തന്നെ നൽകുന്ന സാഹചര്യത്തിൽ ഉണ്ടാകുന്ന ചികിത്സാ ചെലവുകൾ ഇതിലൂടെ പരിരക്ഷിക്കപ്പെടുന്നു.
• ആധുനിക ചികിത്സകൾ- നിങ്ങളുടെ മാതാപിതാക്കൾക്ക് പ്രയോജനപ്പെടുത്താവുന്ന 12 ആധുനിക ചികിത്സകളായ ഡീപ് ബ്രേയ്ൻ സ്റ്റിമുലേഷൻ, ഓറൽ കീമോതെറാപ്പി, റോബോട്ടിക് സർജറികൾ മുതലായവ ഉൾപ്പെടെയുള്ളവയുടെ ചെലവ് ഇത് നൽകുന്നു.

നിങ്ങളുടെ മാതാപിതാക്കൾക്കായി ശരിയായ ആരോഗ്യ ഇൻഷുറൻസ് എങ്ങനെ തിരഞ്ഞെടുക്കാം?

നിങ്ങളുടെ മാതാപിതാക്കൾക്ക് വേണ്ടി സാമ്പത്തിക ആശങ്കകളില്ലാതെ മികച്ച വൈദ്യചികിത്സ ഉറപ്പാക്കുന്നതിന് പര്യാപ്തമായ ഒരു ആരോഗ്യ ഇൻഷുറൻസ് വാങ്ങുന്നത് വളരെ പ്രധാനമാണ്. നിങ്ങളുടെ മാതാപിതാക്കൾക്ക് വിപണിയിൽ ലഭ്യമായ വിവിധ തരത്തിലുള്ള പ്രായമായവർക്കായുള്ള ആരോഗ്യ ഇൻഷുറൻസ് പ്ലാനുകൾ ലഭ്യമാണെങ്കിലും, അവ വാങ്ങുമ്പോൾ ഇനിപ്പറയുന്ന കാര്യങ്ങൾ നിങ്ങൾ മനസ്സിൽ സൂക്ഷിക്കേണ്ടതാണ്:

1. പരമാവധി കവറേജ് തിരഞ്ഞെടുക്കാം

   നിങ്ങളുടെ മാതാപിതാക്കൾക്കായി ആരോഗ്യ ഇൻഷുറൻസ് വാങ്ങുമ്പോൾ, പരമാവധി കവറേജ് നൽകുന്നതും നിങ്ങൾക്ക് താങ്ങാനാവുന്ന വിലയിലുളളതുമായ പോളിസി തിരഞ്ഞെടുക്കേണ്ടതാണ്. ഗുരുതരമായ അസുഖങ്ങൾ, ഡേ കെയർ നടപടിക്രമങ്ങൾ, ഹോം ട്രീറ്റ്മെന്റ്, ആശുപത്രി പ്രവേശനം തുടങ്ങിയവ ഉൾക്കൊള്ളുന്ന ഒരു പ്ലാൻ തിരഞ്ഞെടുക്കുന്നുവെന്ന് ഉറപ്പുവരുത്തുക.

2. കുറഞ്ഞ PED വെയ്റ്റിംഗ് പിരീഡിനായി തിരഞ്ഞെടുക്കാം

   മുൻപ് തന്നെ നിലവിലുണ്ടായേക്കാവുന്ന പ്രമേഹം, രക്താതിമർദ്ദം തുടങ്ങിയ മുൻകൂർ ചികിത്സാപരമായ അവസ്ഥകൾ നിങ്ങളുടെ മാതാപിതാക്കൾക്ക് ഉണ്ടെങ്കിൽ, 1 മുതൽ 2 വര്ഷം വരെയുള്ള കുറഞ്ഞ PED വെയ്റ്റിംഗ് പിരീഡുള്ള ഒരു ആരോഗ്യ പ്ലാൻ തിരഞ്ഞെടുക്കുന്നുവെന്ന് ഉറപ്പുവരുത്തുക. പോളിസിയുടെ ആദ്യ ദിവസം മുതൽ നിലവിലുള്ള രോഗത്തിന് പരിരക്ഷ നൽകുന്ന ഒരു പ്ലാനും നിങ്ങൾക്ക് തിരഞ്ഞെടുക്കാവുന്നതാണ്

3. പര്യാപ്തമായ ഇൻഷ്വർ ചെയ്ത തുക തിരഞ്ഞെടുക്കുക

   മതാപിതാക്കൾക്ക് പ്രായവുമായി ബന്ധപ്പെട്ട ആരോഗ്യ അപകടങ്ങൾക്ക് സാധ്യത കൂടുതലായിരിക്കാം, അതിനാൽ കുറഞ്ഞത് 20 ലക്ഷം രൂപയുടെ ഉയർന്ന ഇൻഷുറൻസ് തുകയുള്ള ആരോഗ്യ ഇൻഷുറൻസ് പോളിസി നിങ്ങൾക്ക് തിരഞ്ഞെടുക്കാം. ഉയർന്ന തുക ഇൻഷുറൻസ് ചെയ്യുന്നതിലൂടെ, സാമ്പത്തിക പരിമിതികളെക്കുറിച്ചുള്ള ആശങ്കകളില്ലാതെ നിങ്ങളുടെ മാതാപിതാക്കൾക്ക് ലഭ്യമായ ഏറ്റവും മികച്ച ചികിത്സ ഉറപ്പാക്കാനാകും.

4. ഒരു കുറഞ്ഞ കോ-പേയ്‌മെന്റിനായി ശ്രമിക്കുക

   കോ-പേയ്‌മെൻ്റ് എന്നത് ക്ലെയിം ഒത്തുതീർപ്പാക്കുന്ന സമയത്ത് നിങ്ങൾ അടയ്‌ക്കേണ്ടതായി വരുന്ന ക്ലെയിം തുകയുടെ നിശ്ചിത ശതമാനമാണ്. ഒരു ആരോഗ്യ പോളിസി തിരഞ്ഞെടുക്കുമ്പോൾ, ക്ലെയിം ഒത്തുതീർപ്പാക്കുന്ന സമയത്ത് നിങ്ങൾക്ക് പണമടയ്ക്കാൻ കഴിയുന്ന തരത്തിലുള്ള ഒരു കുറഞ്ഞ കോ-പേയ്‌മെൻ്റ് ആണ് മാതാപിതാക്കൾക്കായി തിരഞ്ഞെടുക്കുന്നതെന്ന് ഉറപ്പാക്കുക. 'നോ കോ-പേ' നിബന്ധനകൾ ഉൾപ്പെടുത്തി വരുന്ന പ്ലാനുകളും നിങ്ങൾക്ക് തിരഞ്ഞെടുക്കാവുന്നതാണ്.

5. ഒരു വ്യക്തിഗത പോളിസി തിരഞ്ഞെടുക്കുക

   മാതാപിതാക്കൾക്ക് പ്രായവുമായി ബന്ധപ്പെട്ട അസുഖങ്ങൾ ഉണ്ടാകാനുള്ള സാധ്യത കൂടുതലാണ് അതിനാൽ ഇൻഷുറൻസ് പ്രീമിയം അല്പം കൂടുതൽ അടക്കേണ്ടതായും വരുന്നു. നിങ്ങളുടെ മാതാപിതാക്കളെ നിങ്ങളുടെ കുടുംബ ആരോഗ്യ ഇൻഷുറൻസ് പോളിസിയിൽ ചേർക്കുകയാണ് എങ്കിൽ, നിങ്ങൾക്ക് വലിയൊരു തുക പ്രീമിയം അടക്കേണ്ടതായി വന്നേക്കാം. ആയതിനാൽ, നിങ്ങളുടെ നിലവിലുള്ള ഫാമിലി ഫ്ലോട്ടർ പ്ലാനിലേക്ക് മാതാപിതാക്കളെ ചേർക്കുന്നതിനുപകരം അവർക്ക് ഒരു വ്യക്തിഗത ആരോഗ്യ ഇൻഷുറൻസ് പ്ലാൻ വാങ്ങുന്നതാണ് ഉചിതം.

6. നെറ്റ്‌വർക്ക് ആശുപത്രികളുടെ ലിസ്റ്റ് പരിശോധിക്കുക

   നിങ്ങളുടെ മാതാപിതാക്കൾക്കായി ഒരു ആരോഗ്യ ഇൻഷുറൻസ് പോളിസി തിരഞ്ഞെടുക്കുമ്പോൾ ഇൻഷുറൻസ് ദാതാവിന്റെ സേവന നെറ്റ്‌വർക്കിലുള്ള ആശുപത്രികളുടെ ലിസ്റ്റ് തീർച്ചയായും പരിശോധിക്കുക. നിങ്ങൾക്ക് ഒരു മെഡിക്കൽ അത്യാഹിത സമയത്തും പണരഹിത ചികിത്സ ലഭ്യമാക്കാം എന്നതിനാൽ നിങ്ങളുടെ സമീപ പ്രദേശത്തുള്ള ചില പ്രശസ്ത ആശുപത്രികൾ നെറ്റ്‌വർക്കിൽ ഉൾപ്പെടുത്തിയിട്ടുള്ള ഒരു ഇൻഷുറൻസ് തിരഞ്ഞെടുക്കുന്നതിനായി ശ്രമിക്കുക.

7. വ്യത്യസ്ത ആരോഗ്യ ഇൻഷുറൻസ് പ്ലാനുകൾ താരതമ്യം ചെയ്യുക

   ഇന്ത്യയിൽ മാതാപിതാക്കൾക്കായി ഏറ്റവും മികച്ച ആരോഗ്യ ഇൻഷുറൻസ് പോളിസി വാങ്ങുന്നതിനായി, വിപണിയിൽ ലഭ്യമായ വിവിധ ആരോഗ്യ ഇൻഷുറൻസ് പ്ലാനുകൾ തീര്ച്ചയായും താരതമ്യം ചെയ്യേണ്ടതാണ്. ഓൺലൈനായി വിവിധ ആരോഗ്യ പദ്ധതികൾ താരതമ്യം ചെയ്യുന്നതിനും, നിങ്ങളുടെആവശ്യകതകൾക്കും ബജറ്റിനും ഏറ്റവും അനുയോജ്യമായ പോളിസി തിരഞ്ഞെടുക്കുന്നതിനും Policybazaar.com-ൽ നിങ്ങൾക്ക് പിന്തുണ ലഭിക്കുന്നതാണ്.

മാതാപിതാക്കൾക്കുള്ള ആരോഗ്യ ഇൻഷുറൻസിന്റെ പരിരക്ഷയിൽ ഉൾപ്പെടാത്തത് എന്തെല്ലാമാണ്?

മാതാപിതാക്കൾക്കുള്ള ആരോഗ്യ ഇൻഷുറൻസ് പരിരക്ഷയിൽ ഇനിപ്പറയുന്ന ചികിത്സാ ചെലവുകൾ ഉൾപ്പെടുന്നില്ല:

• സ്വയം വരുത്തിവച്ച പരിക്കുകൾ അല്ലെങ്കിൽ ആത്മഹത്യാശ്രമം
• അമിതമായ മദ്യപാനം, ലഹരി പദാർത്ഥങ്ങൾ, അമിതമായ അളവിലുള്ള മയക്കുമരുന്ന് എന്നിവയ്ക്കുള്ള ചികിത്സ
• കണ്ണടകൾ, ലെൻസുകൾ, മറ്റ് ബാഹ്യ സഹായഉപകരണങ്ങൾ എന്നിവക്കായി വേണ്ടി വരുന്ന ചെലവ്
• ദന്തചികിത്സയുടെ ചെലവ് (അത് അപ്രതീക്ഷിതമായി വരുന്നതല്ലെങ്കിൽ )
• പ്ലാസ്റ്റിക് സർജറി അല്ലെങ്കിൽ സൗന്ദര്യവർദ്ധക ശസ്ത്രക്രിയകൾ
• 7.5 ഡയോപ്റ്ററുകളിൽ താഴെയുള്ള ഒരു റിഫ്രാക്റ്റീവ് പിശക് തിരുത്തൽ
• തെളിയിക്കപ്പെട്ടിട്ടില്ലാത്ത ചികിത്സകൾ
• സ്റ്റെം സെൽ തെറാപ്പി
• ലൈംഗിക രോഗങ്ങൾ

FAQഎസ്