भारतातील रोड टॅक्स

रोड टॅक्स कसा मोजला जातो?

भारतामध्ये ज्यांच्याकडे वाहन आहे, अशा प्रत्येक व्यक्तीला रोड टॅक्स भरणे अनिवार्य आहे. तुमच्याकडे खाजगी असो किंवा व्यावसायिक वाहन, मोटार कायद्यांनुसार रोड टॅक्स भरणे सक्तीचे आहे. या टॅक्सची गणना वाहनाच्या 'एक्स-शोरूम किमती'वर केली जाते.

तीन घटकांवर आधारित, प्रत्येक राज्य आपला स्वतःचा रोड टॅक्स आकारते. या घटकांमध्ये खालील बाबींचा समावेश होतो:

• वाहनाचे वय
• वाहनाचे वजन आणि
• वाहनाची इंजिन क्षमता

साधारणपणे, वाहनाचा मालक हा टॅक्स वाहन खरेदीच्या वेळीच भरतो. जेव्हा एखादा डीलर तुम्हाला वाहन विकतो, तेव्हा तो या टॅक्सची रक्कम एक्स-शोरूम किमतीमध्ये केवळ तेव्हाच समाविष्ट करतो, जेव्हा तो स्वतःच त्या वाहनाची नोंदणी करून देत असतो. तथापि, जर तुम्ही तुमच्या वाहनाची नोंदणी स्वतःच करून घेत असाल, तर तुम्ही तुमच्या राज्याच्या नियमांनुसार, थेट RTO मध्येच रोड टॅक्स भरू शकता.

शिवाय, जर तुम्ही तुमचे वाहन एका राज्यातून दुसऱ्या राज्यात, उदाहरणार्थ, दिल्लीहून मुंबईला स्थानांतरित केले, तर तुम्हाला त्या दुसऱ्या राज्यातही रोड टॅक्स भरावा लागेल.

रोड टॅक्स ऑनलाइन भरण्याची प्रक्रिया

एखाद्या राज्यातील रोड टॅक्स ऑफलाइन आणि ऑनलाइन अशा दोन्ही प्रकारे भरता येतो. खाली आम्ही या दोन्ही पद्धती विशद केल्या आहेत:

ऑफलाइन पेमेंट

सरकारी पोर्टल परिवहन सेवा द्वारे तुम्ही दिल्लीमधील वाहनांची माहिती किंवा वाहनांच्या मालकांची माहिती जाणून घेऊ शकता. यासाठीच्या पायऱ्या खालीलप्रमाणे आहेत:

1. तुमच्या नवीन वाहनाची RTOमध्ये नोंदणी करताना, तुम्ही रोड टॅक्स ऑफलाइन पद्धतीने भरू शकता.
2. जर तुमचा वाहन डिलर तुमच्या वतीने वाहनाची नोंदणी करत असेल, तर तो देखील ही प्रक्रिया पूर्ण करू शकतो.
3. शिवाय, जर तुम्ही तुमच्या वाहनाची नोंदणी आधीच केली असेल, परंतु ड्यू टॅक्स भरला नसेल, तर तुम्ही प्रत्यक्ष RTOला भेट देऊन ड्यू असलेला टॅक्स भरू शकता.

ऑनलाइन पेमेंट

जर तुम्हाला RTOला प्रत्यक्ष भेट देऊन रोड टॅक्स भरायचा नसेल, तर तुम्ही परिवहन सेवा पोर्टलद्वारे तो ऑनलाइन भरू शकता. हे पोर्टल तुम्हाला तुमच्या राज्यातील रोड टॅक्स ऑनलाइन भरण्याची सुविधा देते. रोड टॅक्स ऑनलाइन भरण्यासाठी खालील पायऱ्यांचे अनुसरण करा:

1. वाहतूक सेवेच्या अधिकृत पोर्टलला भेट द्या
2. होमपेजवरून, "ऑनलाइन सर्वहीसेस" या मेनूवर क्लिक करा
3. या ड्रॉपडाऊनमधून, "व्हेहिकल रिलेटेड सर्व्हिसेस" हा पर्याय निवडा
4. ज्या राज्यात तुमचे वाहन रजिस्टर्ड आहे, ते राज्य निवडा
5. आता RTO सिलेक्ट करा
6. "प्रोसिड" वर क्लिक करा
7. सेवांच्या यादीमधून, "पे रोड टॅक्स" वर क्लिक करा
8. आता तुमच्या वाहनाचा रजिस्ट्रेशन नंबर आणि चेसिस नंबर (शेवटची 5 अक्षरे/अंक) एन्टर करा
9. "व्हेरिफाय डिटेल्स" वर क्लिक करा आणि तुमचा टॅक्स भरा

कमी वाचा

*नोट: वर नमूद केलेली रोड टॅक्स ऑनलाइन भरण्याची सुविधा केवळ व्यावसायिक वाहनांसाठी उपलब्ध आहे.

याशिवाय, रोड टॅक्स ऑनलाइन भरण्यासाठी तुम्ही संबंधित राज्याच्या परिवहन विभागाच्या वेबसाइटलाही भेट देऊ शकता. जवळपास प्रत्येक राज्याकडे टॅक्स भरण्यासाठी त्यांचे स्वतःचे ऑनलाइन पोर्टल उपलब्ध आहे आणि तुम्ही रोड टॅक्सचे ऑनलाइन पेमेंट करण्याचा पर्याय निवडू शकता.

रोड टॅक्सच्या लेट पेमेंटसाठी दंड

1988 च्या मोटार वाहन कायद्यानुसार, रस्ते कर वेळेवर भरणे अनिवार्य आहे. जर टॅक्स भरण्यास विलंब झाला, तर तुमचे राज्य शासन त्यावर दंड आकारेल; हा दंड तुम्हाला थकीत रोड टॅक्ससह भरावा लागेल. सामान्यतः, रोड टॅक्स भरण्यासाठी राज्य सरकार 15 दिवसांचा ग्रेस पिरीअड देते.

जर निर्धारित वेळेत टॅक्स भरला गेला नाही, तर दंडाची रक्कम ही थकीत रोड टॅक्सच्या 50% ते 100% इतकी असू शकते.

त्यामुळे, तुमच्या वाहनाचा रोड टॅक्स वेळेवर भरण्याची खात्री करा; अन्यथा, तुम्हाला तुमच्या खिशातून मोठा दंड भरावा लागेल.

रोड टॅक्स वरील रिफंड

रोड टॅक्सचा रिफंड दोन परिस्थितींमध्ये मिळवता येतो.

सर्वप्रथम, जेव्हा तुमचे वाहन दुरुस्तीच्या पलीकडे जाते, म्हणजेच, जेव्हा त्याचे टोटल लॉस होते, तेव्हा. अशा परिस्थितीत, उर्वरित वर्षांसाठी भरलेला टॅक्स तुम्ही तुमच्या राज्याच्या RTOकडून परत मिळवू शकता. उदाहरणार्थ, समजा तुम्ही राज्याकडे 15 वर्षांसाठीचा टॅक्स वन टाइम भरला आहे; परंतु 10 वर्षांच्या आतच तुमच्या वाहनाचे पूर्ण नुकसान झाले आणि ते दुरुस्त करणे अशक्य झाले.

अशा परिस्थितीत, तुमची गाडी ज्या RTOमध्ये नोंदणीकृत आहे, त्या ठिकाणी तुम्ही उर्वरित 5 वर्षांच्या रोड टॅक्स रिफंडसाठी अर्ज करू शकता.

टॅक्स रिफंड मिळवण्याची दुसरी परिस्थिती म्हणजे जेव्हा तुम्ही एका नवीन राज्यात स्थलांतर करता. अशा वेळी, तुम्हाला तुमच्या नवीन वाहनाची नोंदणी त्या नवीन राज्याच्या RTO अंतर्गत पुन्हा करावी लागते. यासाठी, तुम्हाला तुमच्या जुन्या RTO कडून एनओसी मिळवणे आवश्यक असते.

त्यामुळे, कराच्या उर्वरित रकमेसाठी तुम्ही मूळ RTOकडे टॅक्स रिफंडसाठी अर्ज करू शकता; आणि नवीन राज्यात, तेथील स्लॅब नुसार पुन्हा रोड टॅक्स भरू शकता.

रोड टॅक्स रिफंड मिळवण्यासाठी आवश्यक कागदपत्रे

आपल्या सध्याच्या RTOकडून रोड टॅक्सचा रिफंड मिळवण्यासाठी अर्ज करण्याकरिता, तुम्हाला खालील कागदपत्रांसह RTOला प्रत्यक्ष भेट द्यावी लागेल:

1. टॅक्स रिफंडसाठी विनंती पत्र
2. चेसिस नंबरचे इम्प्रेशन
3. व्हेहिकल इन्शुरन्स सर्टिफिकेटची प्रत
4. नवीन आणि ओरिजिनल RCची प्रत
5. आपल्या मागील RTOकडील एनओसी
6. नवीन राज्यात भरलेल्या रोड टॅक्स रिसीटची प्रत
7. जुन्या रोड टॅक्सच्या रिसीटची प्रत
8. सध्याच्या पत्त्याच्या पुराव्याची प्रत
9. वाहन मालकाच्या बँक खात्याचा तपशील, तसेच चेक पाठवण्याचा पत्ता.

भारतातील प्रमुख राज्यांमधील रोड टॅक्स

खाली, आम्ही भारतातील काही प्रमुख राज्यांच्या रोड टॅक्सचा उल्लेख केला आहे. एक नजर टाका:

दिल्लीमधील रोड टॅक्स:

महाराष्ट्रातील रोड टॅक्स:

उत्तर प्रदेशमधील रोड टॅक्स

कर्नाटकमधील रोड टॅक्स