ഇന്ത്യയിലെ റോഡ് ടാക്സ്

എങ്ങനെയാണ് റോഡ് ടാക്സ് കണക്കാക്കുന്നത്?

ഇന്ത്യയിൽ ഒരു വാഹനം സ്വന്തമായുള്ള ഓരോ വ്യക്തിയും റോഡ് ടാക്സ് അടയ്ക്കേണ്ടതാണ്. നിങ്ങളുടേത് സ്വകാര്യ വാഹനമോ കൊമേഷ്യൽ വാഹനമൊ ആയിക്കൊള്ളട്ടെ മോട്ടോർ നിയമങ്ങൾ പ്രകാരമുള്ള റോഡ് ടാക്സ് തീർച്ചയായും അടയ്ക്കണം. ഇത്തരത്തിലുള്ള ടാക്സ് കണക്കാക്കുന്നത് വാഹനത്തിന്റെ എക്സ്ഷോറൂം വിലയിൽമേലാണ്.

മൂന്ന് ഘടകങ്ങളെ അടിസ്ഥാനമാക്കിയാണ് എല്ലാ സംസ്ഥാനങ്ങളും റോഡ് ടാക്സ് കണക്കാകുന്നത്. ഈ ഘടകങ്ങളിൽ ഇനി പറയുന്നവ ഉൾപ്പെടുന്നു:

• വാഹനത്തിന്റെ കാലാവധി
• വാഹനത്തിന്റെ ഭാരം കൂടാതെ
• വാഹനത്തിന്റെ എൻജിൻ കപ്പാസിറ്റി

സാധാരണയായി വാഹന ഉടമ വാഹനം വാങ്ങുന്ന സമയത്ത് ഈ ടാക്സ് അടയ്ക്കുന്നു. ഒരു ഡീലർ നിങ്ങൾക്ക് ഒരു വാഹനം വിൽക്കുമ്പോൾ, അവരാണ് ഈ വാഹനം രജിസ്റ്റർ ചെയ്യുന്നതെങ്കിൽ അദ്ദേഹം/അവർ ഈ ടാക്സ് എക്സ്ഷോറൂം വിലയിൽ ഉൾപ്പെടുത്തുന്നതാണ്. എന്നാൽ നിങ്ങളാണ് വാഹനം രജിസ്റ്റർ ചെയ്യുന്നതെങ്കിൽ നിങ്ങൾക്ക് നിങ്ങളുടെ സംസ്ഥാനത്തെ RTO യിൽ റോഡ് ടാക്സ് അടക്കാവുന്നതാണ്

ഇതിനുപുറമേ നിങ്ങൾ നിങ്ങളുടെ വാഹനം ഒരു സംസ്ഥാനത്ത് നിന്നു മറ്റൊന്നിലേക്ക് മാറ്റുകയാണെങ്കിൽ അതായത്, ഉദാഹരണത്തിന് ഡൽഹിയിൽ നിന്നും മുംബൈയിലേക്ക് എത്തിക്കുകയാണെങ്കിൽ നിങ്ങൾ പ്രസ്തുത സംസ്ഥാനത്തിലെ റോഡ് ടാക്സ് കൂടി അടക്കേണ്ടതുണ്ട്.

റോഡ് ടാക്സ് ഓൺലൈനായി അടയ്ക്കുന്നതിനുള്ള നടപടിക്രമം

ഇന്ത്യയിൽ റോഡ് ടാക്സ് ഓഫ് ലൈനായും ഓൺലൈനായും അടയ്ക്കാം. ചുവടെ രണ്ടുതരത്തിലുള്ള രീതികളും ഞങ്ങൾ വിശദീകരിച്ചിരിക്കുന്നു:

ഓഫ്‌ലൈൻ പേയ്മെന്റ്

ഗവൺമെന്റ് പോർട്ടലായ പരിവാഹൻ സേവയിൽ നിന്നും നിങ്ങൾക്ക് വാഹനങ്ങളുടെ വിശദാംശങ്ങളോ അല്ലെങ്കിൽ ഡൽഹിയിലെ വാഹന ഉടമയുടെ വിശദാംശങ്ങളോ കണ്ടെത്താവുന്നതാണ്. ഇതിനുള്ള നടപടിക്രമം ആണ് ചുവടെ പറയുന്നത്:

1. നിങ്ങളുടെ പുതിയ വാഹനം RTOയിൽ രജിസ്റ്റർ ചെയ്യുന്ന സമയത്ത്, നിങ്ങൾക്ക് തന്നെ ഓഫ്ലൈനായി റോഡ് ടാക്സ് അടക്കാവുന്നതാണ്.
2. ഡീലർ ആണ് നിങ്ങൾക്ക് വേണ്ടി വാഹനം രജിസ്റ്റർ ചെയ്യുന്നതെങ്കിൽ അദ്ദേഹത്തിനും ഈ നടപടി പൂർത്തിയാക്കാവുന്നതാണ്.
3. ഇതിനുപുറമേ, നിങ്ങൾ ഇതിനകം തന്നെ വാഹനം രജിസ്റ്റർ ചെയ്തിട്ടുണ്ട് എന്നാൽ ടാക്സ് അടച്ചിട്ടില്ലെങ്കിൽ നിങ്ങൾക്ക് നേരിട്ട് RTO-യിൽ ചെന്ന് ബാധകമായ ടാക്സ് അടക്കാവുന്നതാണ്

ഓൺലൈൻ പേയ്മെന്റ്

RTO-യിൽ നേരിട്ടെത്തി ടാക്സ് അടയ്ക്കാൻ നിങ്ങൾ താല്പര്യപ്പെടുന്നില്ലെങ്കിൽ നിങ്ങൾക്കത് പരിവാഹൻ സേവാ പോർട്ടൽ വഴി ഓൺലൈനായി അടക്കാവുന്നതാണ്. നിങ്ങളുടെ സംസ്ഥാനത്ത് ഓൺലൈൻ പേയ്മെന്റിന് സഹായകമായ പോർട്ടലാണിത്. ഓൺലൈൻ നടപടിക്രമം എങ്ങനെയാണെന്ന് നോക്കാം.

1. പരിവാഹൻസേവ ഒഫീഷ്യൽ പോർട്ടൽ സന്ദർശിക്കുക.
2. ഹോം പേജിൽ നിന്ന് "ഓൺലൈൻ സേവനങ്ങൾ" എന്ന മെനുവിൽ ക്ലിക്ക് ചെയ്യുക
3. അതിനുശേഷം വരുന്ന ഡ്രോപ്ഡൗണിൽ നിന്ന് "വാഹന സംബന്ധമായ സേവനങ്ങൾ" എന്ന ഓപ്ഷൻ തിരഞ്ഞെടുക്കുക.
4. നിങ്ങൾ വാഹനം രജിസ്റ്റർ ചെയ്ത സംസ്ഥാനം തിരഞ്ഞെടുക്കുക.
5. അതിനുശേഷം RTO തിരഞ്ഞെടുക്കുക.
6. "തുടരുക" എന്നതിൽ ക്ലിക്ക് ചെയ്യുക
7. സേവനങ്ങളുടെ ലിസ്റ്റിൽ നിന്നും "റോഡ് ടാക്സ് അടയ്ക്കുക" എന്നതിൽ ക്ലിക്ക് ചെയ്യുക.
8. ഇനി നിങ്ങളുടെ വാഹന രജിസ്ട്രേഷൻ നമ്പറും ചെസിസ് നമ്പറും (അവസാന 5 പ്രതീകങ്ങൾ) നൽകുക.
9. "വിശദാംശങ്ങൾ പരിശോധിച്ചുറപ്പിക്കുക" എന്നതിൽ ക്ലിക്ക് ചെയ്യുക. നിങ്ങളുടെ ടാക്സ് അടയ്ക്കുക.

കുറവ് മാത്രം വായിക്കൂ

*കുറിപ്പ്:റോഡ് ടാക്സ് ഓൺലൈൻ പേയ്മെന്റ് വഴി അടയ്ക്കുന്നതിനുള്ള സൗകര്യം കൊമേഴ്സ്യൽ വാഹനങ്ങൾക്ക് മാത്രം ലഭ്യമാണ്.

ഇതിനുപുറമേ നിങ്ങൾക്ക് പ്രസ്തുത സംസ്ഥാനത്തെ ട്രാൻസ്പോർട്ട് വെബ്സൈറ്റ് സന്ദർശിച്ച് റോഡ് ടാക്സ് ഓൺലൈനായി അടയ്ക്കാവുന്നതാണ് ഒട്ടുമിക്ക സംസ്ഥാനങ്ങളിലും ടാക്സ് അടക്കുന്നതിനായി ഓൺലൈൻ പോർട്ടലുകൾ ഉണ്ടായിരിക്കും.

റോഡ് ടാക്സ് വൈകി അടയ്ക്കുന്നതിനുള്ള പിഴ

മോട്ടോർ വാഹന നിയമം 1988 അനുസരിച്ച് സമയബന്ധിതമായി അടക്കേണ്ടത് നിർബന്ധമാണ്. ടാക്സ് പേയ്മെന്റ് വൈകുന്നതിന് നിങ്ങളുടെ സംസ്ഥാനം ഒരു പിഴ ഈടാക്കുന്നതാണ്, കുടിശ്ശികയുള്ള ടാക്സിനൊപ്പം പിഴതുക കൂടി അടയ്ക്കേണ്ടി വരുന്നു. സാധാരണയായി റോഡ് ടാക്സ് അടക്കുന്നതിനായി 15 ദിവസത്തെ ഗ്രേസ് പിരീഡ് നിങ്ങൾക്ക് ലഭിക്കുന്നതാണ്.

റോഡ് ടാക്സ് സമയബന്ധിതമായി അടച്ചിട്ടില്ലെങ്കിൽ പ്രസ്തുത തുകയുടെ 50% മുതൽ 100% വരെ പിഴ ഈടാക്കാവുന്നതാണ്.

അതിനാൽ നിങ്ങൾ നിങ്ങളുടെ റോഡ് ടാക്സ് സമയബന്ധിതമായി അടക്കുന്നു എന്ന് ഉറപ്പാക്കുക,വലിയൊരു തുക അധികം നല്കുന്നത് ഒഴിവാക്കുക.

റോഡ് ടാക്സിന്റെ റീഫണ്ട്

രണ്ട് സാഹചര്യങ്ങളിലാണ് റോഡ് ടാക്സിന് റീഫണ്ട് ലഭിക്കുന്നത്.

ആദ്യമായി, നിങ്ങളുടെ വാഹനത്തിന് റിപ്പയർ ചെയ്യാനാകാത്ത വിധം കേടുപാടുകൾ സംഭവിക്കുമ്പോൾ,അതായത് നിങ്ങൾക്ക് സ്ഥിരമായ മൊത്തത്തിലുള്ള നഷ്ടം സംഭവിക്കുന്നു. ഈ സാഹചര്യത്തിൽ ബാക്കിയുള്ള വർഷങ്ങൾക്കു വേണ്ടി നിങ്ങൾ അടച്ച ടാക്സ് സംസ്ഥാന RTO യിൽ നിന്ന് റീഫണ്ട് ചെയ്യുന്നതാണ്. ഉദാഹരണത്തിന്, നിങ്ങൾ ഒറ്റ തവണ ടാക്സ്, അതായത് 15 വർഷത്തേക്കുള്ള ടാക്സ് സംസ്ഥാനത്തിനായി അടച്ചു , എന്നാൽ 10 വർശത്തിന് ശേഷം നിങ്ങളുടെ വാഹനത്തിന് പൂർണ്ണമായും റിപ്പയർ ചെയ്യാനാകാത്ത രീതിയിൽ കേടുപാടുകൾ സംഭവിച്ചു.

ഇങ്ങനെയാണെങ്കിൽ, നിങ്ങൾക്ക് ബാക്കിയുള്ള 5വർഷത്തെ റോഡ് ടാക്സ് റീഫണ്ട് ചെയ്യാനായി വാഹനം രജിസ്റ്റർ ചെയ്ത RTO യിൽ നിന്ന് റീഫണ്ട് ചെയ്യുന്നതിനായി അപേക്ഷിക്കുന്നതാണ്.

രണ്ടാമത്തെ സാഹചര്യം നിങ്ങൾ മറ്റൊരു സംസ്ഥാനത്തിലേക്ക് മാറുമ്പോഴാണ്. ഈ സാഹചര്യത്തിൽ പുതിയ സംസ്ഥാനത്തെ RTO യ്ക്ക് കീഴിൽ നിങ്ങൾ നിങ്ങളുടെ പുതിയ വാഹനം വീണ്ടും രജിസ്റ്റർ ചെയ്യേണ്ടതാണ്. ഇതിനായി പഴയ RTO യിൽ നിന്നും നിങ്ങൾക്ക് ഒരു എൻ.ഒ.സി. നേടേണ്ടതാണ്

ഇങ്ങനെയാണെങ്കിൽ ബാക്കിയുള്ള ടാക്സ് എമൗണ്ട് റീഫണ്ട് ചെയ്യുന്നതിനായി ഒറിജിനൽ RTO യെ സമീപിക്കാവുന്നതാണ്. പുതിയ സംസ്ഥാനത്ത് അവരുടെ നിയമങ്ങൾക്ക് അനുസരിച്ച് വീണ്ടും റോഡ് ടാക്സ് അടയ്ക്കണം.

കുറവ് മാത്രം വായിക്കൂ

റോഡ് ടാക്സ് റീഫണ്ട് അപേക്ഷിക്കുന്നതിനുള്ളരേഖകൾ

നിങ്ങളുടെ നിലവിലെ RTO യിൽ നിന്ന് റോഡ് ടാക്സ് റീഫണ്ടിനായി അപേക്ഷിക്കുന്നതിന്, ഇനിപ്പറയുന്ന രേഖകളോടൊപ്പം RTO സന്ദർശിക്കുക.:

1. ടാക്സ് റീഫണ്ടിനായുള്ള അഭ്യർത്ഥന കത്ത്
2. ചേസിസ് നമ്പർ ഇംപ്രഷൻ
3. വാഹന ഇൻഷുറൻസ് സർട്ടിഫിക്കറ്റിന്റെ കോപ്പി
4. പുതിയ ഒറിജിനൽ RC യുടെ പകർപ്പ്
5. നിങ്ങളുടെ മുൻ RTO യിൽ നിന്നുള്ള എൻ.ഒ.സി.
6. പുതിയ സംസ്ഥാനത്ത് റോഡ് ടാക്സ് നൽകിയ രസീതിന്റെ പകർപ്പ്
7. പഴയ റോഡ് ടാക്സ് രസീതിന്റെ പകർപ്പ്
8. നിലവിലുള്ള വിലാസ തെളിവിന്റെ പകർപ്പ്
9. വാഹന ഉടമയുടെ ബാങ്ക് അക്കൌണ്ട് വിശദാംശങ്ങൾ, ചെക്ക് അയയ്ക്കേണ്ട വിലാസം സഹിതം.

കുറവ് മാത്രം വായിക്കൂ

പ്രധാന ഇന്ത്യൻ സംസ്ഥാനങ്ങളിലെ റോഡ് ടാക്സ്

ഇന്ത്യയിലെ ചില പ്രധാന സംസ്ഥാനങ്ങളിലെ റോഡ് ടാക്സിനെക്കുറിച്ചാണ് താഴെ പറയുന്നത്. ഇത് നമുക്ക് നോക്കാം: