ട്രാവൽ ഇൻഷുറൻസ്

ട്രാവൽ ഇൻഷുറൻസുമായി ബന്ധപ്പെട്ട പതിവായി ചോദിക്കുന്ന ചോദ്യങ്ങൾ

• ചോദ്യം: ഞാൻ ട്രാവൽ ഇൻഷൂറൻസ് എപ്പോഴാണ് വാങ്ങേണ്ടത്?

  ഉത്തരം: നിങ്ങളുടെ യാത്രയ്ക്ക് മുമ്പ് എപ്പോൾ വേണമെങ്കിലും ഇൻഷുറൻസ് നിങ്ങൾക്ക് എടുക്കാനാകും. നിങ്ങളുടെ യാത്രയ്ക്ക് മുൻപ് മുതൽ തന്നെ പരമാവധി പരിരക്ഷ ഉറപ്പാക്കാൻ (യാത്ര റദ്ദാക്കൽ, വിസ റീഫണ്ട് മുതലായവ) നിങ്ങളുടെ ഫ്ലൈറ്റുകൾ ബുക്ക് ചെയ്താലുടൻ ട്രാവൽ ഇൻഷുറൻസ് വാങ്ങുന്നതാണ് ഉചിതം.

• ചോദ്യം: ട്രാവൽ ഇൻഷുറൻസിന് കീഴിൽ പരിരക്ഷ നൽകാത്തവ എന്തെല്ലാമാണ്?

  ഉത്തരം: സാധാരണയായി നിയമവിരുദ്ധ പ്രവർത്തനങ്ങൾ, മുമ്പുണ്ടായിരുന്ന രോഗങ്ങൾ (പരിരക്ഷ ഏർപ്പെടുത്തിയിട്ടില്ലെങ്കിൽ), സ്വയം വരുത്തിയ പരിക്കുകൾ അല്ലെങ്കിൽ അത്യാവശ്യമല്ലാത്ത ചികിത്സകൾ എന്നിവ ട്രാവൽ ഇൻഷൂറൻസിൽ ഉൾക്കൊള്ളുന്നില്ല.

• ചോദ്യം: അന്താരാഷ്ട്ര യാത്രയ്ക്ക് ഏത് ഇൻഷുറൻസാണ് എനിക്ക് ആവശ്യമായി വരുന്നത്?

  ഉത്തരം: വിദേശത്തായിരിക്കുമ്പോൾ ഉണ്ടായേക്കാവുന്ന ആരോഗ്യ സംബന്ധമോ അല്ലാത്തതോ ആയ അപകടസാധ്യതകൾ ഉൾക്കൊള്ളുന്ന സമഗ്രമായ ട്രാവൽ ഹെൽത്ത് ഇൻഷുറൻസ് പോളിസി നിങ്ങൾക്ക് ആവശ്യമായി വന്നേക്കാം. നിങ്ങളുടെ പോളിസി പ്രകാരമുള്ള ഇൻഷുറൻസ് പരിരക്ഷ നിങ്ങൾ പോകുന്ന രാജ്യത്ത് പ്രസ്താവിച്ചിട്ടുള്ള വിസ നിയന്ത്രണങ്ങളും പ്രവേശന നിയമങ്ങളും അനുസരിച്ചുള്ളതായിരിക്കണം.

• ചോദ്യം: ഒരു അന്താരാഷ്ട്ര ട്രാവൽ ഇൻഷുറൻസിന് വരുന്ന ചെലവ് എത്രയാണ്?

  ഉത്തരം: നിങ്ങൾക്ക് Policybazaar.comൽ നിന്നും 19 രൂപ/ പ്രതിദിനം ചെലവ് വരുന്ന ട്രാവൽ ഇൻഷൂറൻസുകൾ കണ്ടെത്താവുന്നതാണ്. എന്നിരുന്നാലും, അന്താരാഷ്ട്ര ട്രാവൽ ഇൻഷുറൻസ് എടുക്കുന്നതിനുള്ള ചിലവ് നിങ്ങളുടെ യാത്രയുടെ ലക്ഷ്യസ്ഥാനമായ രാജ്യം, പരിരക്ഷ ഓപ്ഷനുകൾ, ഇൻഷുർ ചെയ്യുന്ന വ്യക്തിയുടെ പ്രായം, പോളിസിയുടെ കാലാവധി കൂടാതെ മറ്റു പല ഘടകങ്ങളെയും ആശ്രയിച്ചായിരിക്കും.

• ചോദ്യം: അന്താരാഷ്ട്ര യാത്രകൾക്ക് ട്രാവൽ ഇൻഷുറൻസ് എടുക്കണമെന്ന് നിർബന്ധമാണോ?

  ഉത്തരം: എല്ലാ അന്താരാഷ്ട്ര യാത്രകൾക്കും ട്രാവൽ ഇൻഷുറൻസ് എടുക്കണമെന്ന് നിർബന്ധമില്ല, എന്നാൽ ചില രാജ്യങ്ങൾക്ക് ഇത് ഒരു നിബന്ധന തന്നെയാണ്. ഷെഞ്ചൻ അംഗത്വ രാജ്യങ്ങൾ, തുർക്കി, യുണൈറ്റഡ് അറബ് എമിറൈറ്റ്സ് കൂടാതെ മറ്റ് പല രാജ്യങ്ങളിലും വിസ അനുവദിക്കുന്നതിന് ട്രാവൽ മെഡിക്കൽ ഇൻഷുറൻസ് നിർബന്ധിതമാക്കിയിട്ടുണ്ട്.

• ചോദ്യം: എന്റെ യാത്ര തുടങ്ങിയതിനുശേഷം എനിക്ക് ട്രാവൽ ഇൻഷുറൻസ് നേടാൻ ആകുമോ?

  ഉത്തരം: ഇല്ല, നിങ്ങളുടെ യാത്ര തുടങ്ങിയതിനുശേഷം നിങ്ങൾക്ക് ട്രാവൽ ഇൻഷുറൻസ് എടുക്കാനാകില്ല. പൊതുവെ, യാത്ര തുടങ്ങുന്നതിനു മുൻപ് തന്നെ പോളിസി വാങ്ങണമെന്ന് ഇൻഷുറൻസ് ദാതാക്കൾ നിർദേശിക്കുന്നു.

• ചോദ്യം: ഹൈപ്പർ ടെൻഷൻ, പ്രമേഹം എന്നിവയുള്ള യാത്രക്കാർക്ക് ട്രാവൽ ഇൻഷുറൻസ് വാങ്ങാൻ സാധിക്കുമോ?

  ഉത്തരം: അതെ, ഹൈപ്പർടെൻഷൻ, പ്രമേഹം, മറ്റ് രോഗാവസ്ഥകൾ എന്നിവ നിലവിലുള്ള യാത്രക്കാർക്കും ട്രാവൽ ഇൻഷുറൻസ് വാങ്ങാൻ സാധിക്കുന്നതാണ്. എന്നാൽ പോളിസി വാങ്ങുന്ന സമയത്ത് തന്നെ നിലവിലുള്ള ആരോഗ്യ അവസ്ഥകളെക്കുറിച്ച് ഇൻഷുറൻസ് ദാതാവിനോട് പറയേണ്ടത് പ്രധാനമാണ്.

• ചോദ്യം: ഞാൻ ചെറിയ യാത്രകൾക്കായി ട്രാവൽ ഇൻഷുറൻസ് വാങ്ങേണ്ടതുണ്ടോ?

  ഉത്തരം: അതെ, ചെറിയ യാത്രകൾ നടത്തുമ്പോഴും ട്രാവൽ ഇൻഷുറൻസ് വാങ്ങുന്നത് ഞങ്ങൾ ശുപാർശ ചെയ്യുന്നു. നിങ്ങളുടെ യാത്രയുടെ ദൈർഘ്യം ഒരു പക്ഷേ ചെറുതായിരിക്കാം, എന്നാൽ വൈദ്യ സംബന്ധമായ അടിയന്തരാവസ്ഥകൾ, ഫ്ലൈറ്റ് റദ്ദാക്കലുകൾ അല്ലെങ്കിൽ ബാഗേജ് നഷ്ടപ്പെടലുകൾ എന്നിവ എന്നിങ്ങനെയുള്ള അപ്രതീക്ഷിത സംഭവങ്ങൾ ഉണ്ടാകാനുള്ള സാധ്യത നിലനിൽക്കുന്നു. ഇവ ഗണ്യമായ ചിലവുകൾക്കും കാരണമാകുന്നു.

• ചോദ്യം: ഒരു യാത്രയ്ക്ക് ഒന്നിലധികം ട്രാവൽ ഇൻഷുറൻസ് പോളിസികൾ എനിക്ക് വാങ്ങാൻ സാധിക്കുമോ?

  ഉത്തരം: ഇല്ല, ക്ലെയിമുകളുടെ സങ്കീർണതകൾ മൂലം ഒരേ യാത്രയ്ക്ക് തന്നെ ഒന്നിലധികം പോളിസികൾ വാങ്ങാൻ നിങ്ങൾക്ക് സാധിക്കുകയില്ല.